ಕಾವ್ಯಯಾನ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಅನ್ವೇಷಾ

ರಶ್ಮಿ ಕಬ್ಬಗಾರ

ಅನ್ವೇಷಾ

೧

ಮತ್ತೆ ಹೊಸದಾಗಿ

ನಿನ್ನ ಪ್ರೀತಿಸ ಬೇಕೆಂದಿದ್ದೇನೆ

ನೀ ನನ್ನ ಮಹತ್ವಾಕಾಂಕ್ಷೆಯೋ

ಹಳೇ ಪ್ರೇಮಿಯೋ

ಪತ್ತೆ ಮಾಡಬೇಕಿದೆ

೨

ಇಲ್ಲ

ಮತ್ತೆ ಮತ್ತೆ ನಿನ್ನ ಕಾಯಿಸುವ

ಇರಾದೆಯಿಲ್ಲ

ಸೀದ ಇಳಿದು

ಮನವೊಲಿದಲ್ಲಿ

ಮಳೆ ಕರೆದು

ಮೊಳೆವೆ

೩

ರಾಗ ರಂಜನೆ

ಧ್ಯಾನ ಸಾಧನೆಗೆಲ್ಲ

ವ್ಯವಧಾನವಿಲ್ಲೀಗ

ಇದು ಕವಿ ಹುಟ್ಟುವ

ಪದ ಪಾದ ನಾಭಿಯೊಳ್ ಮುಟ್ಟುವ

ಖುಷಿ ಋಷಿ ಮೊಟ್ಟೆಯೊಡೆದುಟ್ಟುವ ಮುಂಜಾವು

ಮತ್ತೀಗ

ಗಾಳಿಗೆ ಬೆಂಕಿ ಎದುರಾದಂತೆ

ಎದು ರಾಗಬೇಕಿದೆ ನಾವು .

*****

Related Posts