ಕಾವ್ಯ ಸಂಗಾತಿ
ಕಲ್ಪನಾ ಎಸ್ ಪಾಟೀಲ
“ಹೋಳಿಹಬ್ಬ”
ಬಣ್ಣಗಳ ಸಮ್ಮಿಲನ
ಹೋಳಿ ಹಬ್ಬದ ದಿನ
ಮಿಂದೇಳುತ ಮೈ ಮನ
ನೆನೆಯುತ ರಾಧೆ ಶಾಮನ
ರಂಗಿನೋಕುಳಿ ಕಾಮ ದಹನ
ತ್ಯಜಿಸು ಅರಿಷಡ್ವರ್ಗಗಳನ್ನ.
ಬಣ್ಣದ ಹಬ್ಬವಿದು
ಸಂಭ್ರಮದ ಹೋಳಿಯಿದು
ರಂಗನು ಚೆಲ್ಲುತ ನಿಂದು
ಸಂತಸದಿ ನಲಿಯೋಣ ಮಿಂದು
ಒಂದಾಗಿಸಿ ಮನಗಳ ಇಂದು
ಎಲ್ಲೆಲ್ಲೂ ಉಲ್ಲಾಸವೆ ತುಂಬಿಹುದು.
ಕೋಟೆಯ ಬಣ್ಣವ ನೋಡಿದೆಯಾ
ರಂಗಿನೋಕುಳಿಯ ಆಡಿದೆಯಾ
ಶಾಮನಿರಲು ರಾಧೆ ಬಾರೆಯಾ
ನೀನಿರಲು ಸರಿಯದು ಸಮಯ
ಎನ್ನುತ ಸ್ನೇಹಿತರ ಬಳಿ ಸಾರೆಯಾ
ಏಳು ಬಣ್ಣಗಳ ಮನಸಾರೆ ಬೆರೆಸೆಯಾ.
ಒಲವಿನ ಬಣ್ಣ ಚೆಲುವಿನ ಬಣ್ಣ
ನವಿರಾದ ಭಾವ ಮೈಮನದೊಳಗಿಣ್ಣ.
ಕಲ್ಪನಾ ಎಸ್ ಪಾಟೀಲ
About The Author
