ಕಾವ್ಯ ಸಂಗಾತಿ
ಲತಾ ಎ ಆರ್ ಬಾಳೆಹೊನ್ನೂರು
ಮಾಗಿಯ ಚಳಿ
ತಣ್ಣನೆಯ ಮಾಗಿಯ ಚಳಿ ಮೈ ಸೋಕಿರಲು
ನಿನ್ನದೇ ಸವಿ ನೆನಪು ಕಾಡಿರಲು
ಮನಸು ಹೃದಯ ಮುದವೇರಲು
ಸೊಗಸಾಗಿ ಹಳೆ ನೆನಪು ಸೋಕಿರಲು
ಸೆಳೆಯುತಿದೆ ಮನ ನಿನ್ನೆಡೆಗೆ ವಾಲಿ
ಹೃದಯವನು ಇರಿಸಿರುವೆ ನಿನಗಾಗಿ ಖಾಲಿ
ಒಂದಾಗಿ ಆಡೋಣ ಬಾ ಜೀವನ ಜೋಕಾಲಿ
ಸೇರಿ ಜೀವನದ ಪಾಠವ ಕಲಿ
ನೀನಿಲ್ಲದ ಬದುಕು ಬರೀ ನೀರಸ
ನೀನಿರೆ ಜೊತೆಯಲ್ಲಿ ಮನ ಉಲ್ಲಾಸ
ನಿನ್ನೊಲವು ಬೇಕಿದೆ ಬಾಳಿಗೆ ಸಂತಸ
ಅರಿತುಕೊ ನನ್ನೆದೆಯ ಕೂಗಿನ ಮನಸ
ಹೊಸಬಾಳಿನ ನೂತನ ಸಂಭ್ರಮ ನಿಶ್ಚಿತ
ಹೂ ಚೆಲ್ಲಿ ಕೋರುವೆ ನಿನಗೆ ಸ್ವಾಗತ
ಹಾರಾಡಿ ಕುಣಿದಿರುವೆ ನವಿಲಂತೆ ನಲಿಯುತ
ನೀನೆಂದೆಂದು ನನ್ನವನೇ ಬಾಳಲ್ಲಿ ಶಾಶ್ವತ.
ಲತಾ ಎ ಆರ್ ಬಾಳೆಹೊನ್ನೂರು
About The Author
