ಸುಧಾ ಪಾಟೀಲ ಅವರ ಕವಿತೆ-“ಬರೆಯಲೇಬೇಕು”

ಬರೆಯಲೇಬೇಕು
ಅನುದಿನ
ಭಾವಗಳ ಬಿಚ್ಚಿಡಲು
ಅಕ್ಷರದ ಘಮ
ಅನುಭವಿಸಲು
ಕಾವ್ಯದ ಹುರುಳು
ಅರಿಯಲು
ಗದ್ಯದ ತಿರುಳು
ಮನಗಾಣಲು

ಬರೆಯಲೇಬೇಕು
ಬೇರ್ಪಡಿಸಲಾರದ
ನನ್ನದೇ ಆದ
ವಿಚಾರಧಾರೆಗಳ
ಸತ್ಯ – ಅಸತ್ಯಗಳ ತಾಕಲಾಟಗಳ
ಶ್ರದ್ಧಾ -ಭಕ್ತಿಯ
ವಿಚಾರಧಾರೆಗಳ

ಬರೆಯಲೇಬೇಕು
ಕುಟುಕುವ ವಿಶೇಷ
ಟಿಪ್ಪಣಿಗಳ
ಅವಲೋಕಿಸಬೇಕು
ಮಾನದಂಡಗಳ ಅಡಿಯಲ್ಲಿ
ಬರುವ ವ್ಯಾಖ್ಯಾನಗಳ

ಬರೆಯಲೇಬೇಕು
ಸಹ್ಯವಾಗದ ವಿಷಯಗಳ
ನಂಬುವ ಅಭಿವ್ಯಕ್ತಿಗಳ
ಸಂಘರ್ಷದ ಹಾದಿಯಲ್ಲಿ
ತೊಡಕಾಗುವ ಮುಳ್ಳುಗಳ
ಮಂಥನವ


3 thoughts on “ಸುಧಾ ಪಾಟೀಲ ಅವರ ಕವಿತೆ-“ಬರೆಯಲೇಬೇಕು”

  1. ತುಂಬಾ ಸೊಗಸಾಗಿದೆ ಮೇಡಂ ನಿಮ್ಮ ಕವನ. ಹೀಗೆ ಸಾಗಲಿ ನಿಮ್ಮ ಕಾವ್ಯ ಕೃಷಿ ಪಯಣ.
    ಧನ್ಯವಾದಗಳು.

Leave a Reply

Back To Top