ಕಾವ್ಯ ಸಂಗಾತಿ
ಸವಿತಾ ದೇಶಮುಖ
“ಗುಬ್ಬಿ ಹುಡುಕುವ ಗೂಡು”
ಚಿನ್ನಾರಿ ಚಿಣ್ಣ ಗುಬ್ಬಚ್ಚಿ-“ಮನಸ್ಸು “
ಹೊತ್ತು ಆಸೆ ಅಳಲು – ಅಪರಮಿತ
ಗಗನ ಎತ್ತರಕ್ಕೆ ಹಿಗ್ಗುತ್ತ- ಉಬ್ಬುತ
ಮೇಲೆ ಮೇಲೆ ಹಾರುವ- ಮತ್ತ್ತ…
ತಗ್ಗಿ -ಬಗ್ಗಿ ಧರೆಗೆಳಿದು- ಧುಮಕುತ್ತ
ಸತತ ಹುಡುಕುತಿದೆ- “ಸುರಕ್ಷತೆ” ತಾಣ
ಹಮ್ಮು- ಬಿಮ್ಮ,ರಾಗ-ದ್ವೇಷ ಕಳೆದ
ಶಾಂತಿ ಸೌಖ್ಯದ ಗೂಡು ಹುಡುಕುತಿದೆ…
ಅನತಿ ದೂರದಿ ಕಂಡ ಕನ್ನಡಿ
ತನ್ನಿ ಪ್ರತಿಬಿಂಬ- ಕುಕ್ಕಿ ಕುಕ್ಕಿ
ಕಕ್ಕುಲತೆಯಲಿ- ಚುಂಚು ನೊಯಿತು
ಎನಿಸಿ -ಹುಸಿ ಭ್ರಮೆ- ಗೂಡಿನಾಸೆ….
ಬಿಡದ ಬಯಕೆ ಬೆನ್ನತ್ತಿ ಮತ್ತೆ ಮತ್ತೆ
ತಿರು ತಿರುಗಿ ವನ- ಬನಗಳಲಿ
ಚಿಕ್ಕ ಚೊಕ್ಕ ಗುಡಿಸಲ ಗೂಡಿನ
“ಆಸೆಯೆಂಬ “ಸಂಕಲ್ಪ ಮರಿಗಳ ಸಾಕಲು…
ಹಂಬಲ ಬೆಳೆಸಿ ದೂರ ದಿಗಂತಕ್ಕೆ
ಹಾರುವ ಹಲ್ಗನಸಿನ ಗುಬ್ಬಚ್ಚಿ-ಮನಸ್ಸು
ಬೆಚ್ಚಗೆ ಕಾಪಿಟ್ಟು ಮರಿಗಳ ರೆಕ್ಕೆಪುಕ್ಕೆಗಳ
ಚಿಗುರಿ ದಿಗ- ದಿಗಂತಕ್ಕೆ ಮುಟುವ -ಮನ
ಬಿರುಗಾಳಿ- ಚಂಡಮಾರುತ-ಎದೆ ಒಡ್ಡಿ
ಅಂಜದೆ ಅಳುಕದೆ, ಮರೆತು ದುಃಖವ
ಸುಂಟರ ಗಾಳಿಯ ಸುಳಿಯ ಸೆಳೆತ ದಾಟಿ
ಭದ್ರವಾದ ಗೂಡಿನ ಅನ್ವವೇಷಣೆ ಗುಬ್ಬಿ-ಮನ
ಅದೆಷ್ಟು ದೂರ ಪ್ರಯಣಿಸುತಿದೆ ಹುಡಕುತ
ಸ್ಥಿರವಾದ ಬೆಚ್ಚನೆಯ-“ಶಾಂತಿಯ”ಗೂಡು
“ಬದುಕುವ ಹೊಂಗನಸಿನ ಆನಂದ ಶುದ್ಧ
ಪರಿಶುದ್ಧ ಚಿತ್ತದ ಗೂಡು”
ಸವಿತಾ ದೇಶಮುಖ
