ಅಂಕಣ ಬರಹ
ವಿಜ್ಞಾನ ವೈವಿಧ್ಯ
ಶಿವಾನಂದ ಕಲ್ಯಾಣಿ
ಕರಡಿಯ ಸಮಸ್ಯೆ
ಹವ್ಯಾಸಕ್ಕಾಗಿ ಪ್ರಾಣಿ ಪಕ್ಷಿಗಳನ್ನ ಸಾಕುವವರು ಸರ್ಕಸ್ಸಿನವರು, ಹೊಟ್ಟೆಹೊರೆಯಲು ಪಳಗಿಸಿದ ಪ್ರಾಣಿಗಳನ್ನು ಆಡಿಸುವವರು, ಇಲ್ಲವೇ ಪ್ರಾಣಿ ಸಂಗ್ರಹಾಲಯದವರು ,” ಕೋಲ” ಎಂಬ ಜಾತಿಯ ಕರಡಿಗಳನ್ನು ಮಾತ್ರ ಸಲುಹಲು ಮುಂದಾಗು (ಸಾಧ್ಯವಾಗು) ವುದೇ ಇಲ್ಲ. ಏಕೆಂದರೆ ಆ ಕರಡಿಯ ಆಹಾರ ಸಮಸ್ಯೆ.
.
ಆನೆಗಳಂತಹ ಬಲಾಢ್ಯ ಪ್ರಾಣಿಗಳನ್ನೇ ಸಾಕಲು ಮನುಷ್ಯ ಮುಂದಾಗಿರುವಾಗ ಈ ಕುಬ್ಜ ಕರಡಿಯದು ಎಂಥ ಸಮಸ್ಯೆ ಎನ್ನುತ್ತೀರಾ ?
ಅದರದು “ ವಿಶೇಷ ಭಕ್ಷದ “ ಸಮಸ್ಯೆ. ಅದರ ಆಹಾರ ಕ್ರಮವೇ ಸಾಕುವವರಿಗೆ ಸಾಕು ಮಾಡುತ್ತದೆ.
ಆಸ್ಟ್ರೇಲಿಯಾದ ನೆಲದಲ್ಲಿ ವಾಸಿಸುವ ಈ “ಕೋಲ “ ಕರಡಿಗಳು ಎಣ್ಣೆ ಪದಾರ್ಥವಿರುವ ಆಹಾರದ ಎಲೆಗಳನ್ನು ಮಾತ್ರವೇ ತಿನ್ನುತ್ತವೆ. ಹೀಗಾಗಿ ಅವುಗಳಿಗೆ ನಿತ್ಯ ಅಂತಹ ಎಲೆಗಳನ್ನ ಹುಡುಕಿ, ಹರಿದು ತಂದು ಪೂರೈಸುವುದು ಮೃಗಾಲಯದವರಿಗೆ ಸಮಸ್ಯೆ ಆಗುತ್ತದೆ. ಏನಿಲ್ಲವೆಂದರೂ ದಿನವೊಂದಕ್ಕೆ ಕನಿಷ್ಠ ಒಂದು ಕಿಲೋ ಗ್ರಾಮದಷ್ಟಾದರೂ ಎಣ್ಣೆ ಎಲೆಗಳನ್ನು ಬೇಡುವ ಈ ಸಮಸ್ಯೆಕೋರರಿಗೆ ದಿನಂಪ್ರತಿ ಅಂತಹ ಆಹಾರವಾದರೂ ಸಿಗುವುದೆಲ್ಲಿ? ಇದು ಮೃಗಾಲಯದ ಅಧಿಕಾರಿಗಳ ತಲೆ ತಿನ್ನುತ್ತದೆ.
ಆಸ್ಟ್ರೇಲಿಯಾದ ಭೂ ಪ್ರದೇಶದಲ್ಲಿ ಕಂಡುಬರುವ 400ಕ್ಕೂ ಹೆಚ್ಚಿನ ವಿಧದ ನೀಲಗಿರಿ ( ಎಣ್ಣೆ) ಮರಗಳಿದ್ದು, ಅವುಗಳಲ್ಲಿ ಕೆಲವೇ ಸಂಖ್ಯೆಯ ಗಿಡಗಳು “ ಕೋಲ” ಗಳಿಗೆ ಬೇಕಾದಂತಹ ಆಹಾರವನ್ನು ಒದಗಿಸುತ್ತವೆ.
ಇಷ್ಟೆಲ್ಲದರ ಮಧ್ಯೆ ಮೂಲ ಸಮಸ್ಯೆಯೊಂದರ ಕಾರಣದಿಂದಲಾದರೂ “ ಕೋಲಾ “ ಕರಡಿಗಳು ಮಾನವರ ಅಂಕೆ ( ಕೈ ) ಗೆ ಬಾರದೆ, ಸಿಕ್ಕದೆ ಕೋಲಿನಾಟಗಳಿಗೆ ಮಣಿಯದೆ, ಶೋಷಣೆಗೆ ತುತ್ತಾಗದೆ ನಿಸರ್ಗದ ಮಡಿಲಲ್ಲಿ ಮನಬಂದಂತೆ ಸ್ವತಂತ್ರವಾಗಿ ಅಡ್ಡಾಡಿಕೊಂಡಿರುವ ಸೌಭಾಗ್ಯ ಸಂಧಿರುವುದೇ ಪ್ರಾಣಿ ಪ್ರಿಯರಿಗೆ ಸಂತಸದ ವಿಷಯ.
ಶಿವಾನಂದ ಕಲ್ಯಾಣಿ
