ಕಾವ್ಯ ಸಂಗಾತಿ
ಮಾಜಾನ್ ಮಸ್ಕಿ
ಗಜಲ್
ಕಾಯುವ ಕ್ಷಣಗಳಲ್ಲಿ ಹುಡುಕುತ್ತಿರುವೆ ಮೀರಾಳ ಪ್ರೇಮ
ಮನದ ಮಿಡಿತಗಳಲ್ಲಿ ಹುಡುಕುತ್ತಿರುವೆ ಮೀರಾಳ ಪ್ರೇಮ
ಸುಂದರ ಕನಸುಗಳು ಬಿಡುತ್ತಿಲ್ಲ ರಮ್ಯತೆ ಬೆಳದಿಂಗಳು
ಕಂಗಳ ಹನಿಗಳಲ್ಲಿ ಹುಡುಕುತ್ತಿರುವೆ ಮೀರಾಳ ಪ್ರೇಮ
ಪ್ರೇಮಾಂಕುರ ಕುಸುಮ ಆಕಾಶಕ್ಕೆ ಕನ್ನಡಿ ಸರಿ ಸಾಟಿಯೇನು
ಉಸಿರು ಉಸಿರುಗಳಲ್ಲಿ ಹುಡುಕುತ್ತಿರುವೆ ಮೀರಾಳ ಪ್ರೇಮ
ನೆನೆಯುವಿಕೆ ಕ್ಷೀತಿಜದಲಿ ತನ್ನನ್ನು ತಾನು ಸುತ್ತುತ್ತ ಸಾಗಿದೆ
ಇಂಚರ ಸ್ವರಗಳಲ್ಲಿ ಹುಡುಕುತ್ತಿರುವೆ ಮೀರಾಳ ಪ್ರೇಮ
ಮಾಜಾ ಚೌಕಟ್ಟಿನಲ್ಲಿ ಸುಳಿಯುತ್ತಿದೆ ಮನಸ್ಸಿನ ತರಂಗ
ಮಿನುಗು ತಾರೆಗಳಲ್ಲಿ ಹುಡುಕುತ್ತಿರುವೆ ಮೀರಾಳ ಪ್ರೇಮ
ಮಾಜಾನ್ ಮಸ್ಕಿ
