ಡಾ.ರೇಣುಕಾತಾಯಿ.ಸಂತಬಾ.ರೇಮಾಸಂ ಅವರ ಕವಿತೆ ‘ಒಲುಮೆಯ ದೀಪ’

ಕಾವ್ಯ ಸಂಗಾತಿ

ಡಾ.ರೇಣುಕಾತಾಯಿ.ಸಂತಬಾ.ರೇಮಾಸಂ

‘ಒಲುಮೆಯ ದೀಪ’

ಹೃದಯ ಜ್ಯೋತಿ ಅರಳಲಿ
ಎದೆಯ ಕತ್ತಲೆಯು ಅಳಿಸಲಿ
ಮನದ ಹಣತೆಯು ಬೆಳಗಲಿ
ಬರಲಿ ದೀಪಾವಳಿ ಒಲುಮೆಲಿll

ಹಚ್ಚೇವು ಬೆಳಕಿನ ಹಣತೆಯ
ಎಳೆದೆವು ದೀಪಗಳ ತೇರನು
ಬಾನಲ್ಲಿ ಹೊಳೆವ ಹಗಲು ದೀಪ
ಇರುಳಲ್ಲಿ ಮಿಂಚುವ ಲಕ್ಷ ದೀಪ

ಕೋಗಿಲೆ ಗಾನದಿ ಬಂದ ದೀಪ
ಹೊಸ ಹಸಿರಿನ ಚಿಗುರು ದೀಪ
ಮೊಗ್ಗರಳಿ ಬೆಳಗಿದ ಹೂ ದೀಪ
ತಾರೆ ಮಿಂಚಿನ ಮಿಂಚು ದೀಪ

ಪರ್ವತದ ಮೇರು ಶಿಖರದಲಿ
ಹಿಮದ ಮಣಿ ಮುತ್ತಲಿ ದೀಪ
ಸೂರ್ಯ ರಶ್ಮಿಯ ಕನಕ ದೀಪ
ಬೆಳಗಲಿ ಭವ್ಯ ಭಾರತ ದೀಪ

---

ಡಾ.ರೇಣುಕಾತಾಯಿ.ಸಂತಬಾ.ರೇಮಾಸಂ