ಕಾವ್ಯ ಸಂಗಾತಿ
‘ಮಾಳೇಟಿರ ಸೀತಮ್ಮ ವಿವೇಕ್
‘ದೇಶದ ಸ್ವಚ್ಛತೆ ಕಡೆ ಇರಲಿ ಗಮನ’
ದೇಶದ ಸ್ವಚ್ಛತೆ ಕಡೆಗೆ ಇರಲಿ
ಭಾರತ ಪ್ರಜೆಗಳ ಗಮನ|೧|
ನಾಡು ನುಡಿಯ ಸ್ವಚ್ಛತೆಯಿಂದ
ಮನಸದು ಕುಣಿಯಲಿ ತನನ|೨|
ಉದಯ ಕಾಲದ ಕಿರಣದಂತೆ
ಮಿಂಚಲಿ ರಾಷ್ಟ್ರದ ಆನನ|೩|
ಸುಂದರಿ ತೊಟ್ಟ ಕಿರೀಟದಂತೆ
ಹೊಳೆಯಲೆಲ್ಲಾ ರಾಜ್ಯದ ಕಾನನ|೪|
ರಾಜಕೀಯಕೆ ಕಾಣದು ಕಲ್ಮಷ
ತಾನಾಗಿಹೆ ತಥ್ಯ ಕಸದ ವನ|೫|
ಅಧಿಕಾರ ಸಿಕ್ಕರೆ ಸಾಕು ಸಿಕ್ಕವ
ಅಗೆಯುವ ರಸ್ತೆ ನದಿ ಗಿರಿ ವನ|೬|
ಭ್ರಷ್ಟಾಚಾರದ ಕೊಳೆಯ ತೊಳೆಯುತ
ತಪ್ಪಿಸಿ ಆಗುವ ಬಿರು ಅವಮಾನ|೭|
ಸ್ವಚ್ಛವಾಗಲಿ ಮೇಲಿಂತಳ ಎಲ್ಲೆಡೆ
ಕೆಟ್ಟು ಕಲುಷಿತರಾದಂತವರ ಮನ|೮|
ಜನರೂ ಅರಿಯದಂತೆ ಇರುವಿರೇಕೆ
ಪ್ರಕೃತಿಗೆ ಇರುವ ಮಿತಿಯ ಸಹನ|೯|
ತಿಳಿಯಿರಿ ಮೊದಲು ಮೋರಿ ಕಶ್ಮಲ
ಮುಂದಿನ ಪೀಳಿಗೆ ಕೊಲ್ಲುವ ಧೂರ್ತ ಹೀನ|೧೦|
ಈ ಎಲ್ಲ ಪ್ರಧೂಷಣೆಯಾದರೆ ಪತನ
ಆಗುವುದಲ್ಲ ಸರ್ವರ ಪರಿಶುದ್ಧ ಜತನ|೧೧|
ಕುಶಿಯಿಂದದಕೆ ತಲೆದೂಗುವ ಅಭ್ಯಾಗತ
ಮಾಡುವನಲ್ಲ ನಮ್ಮಯ ದೇಶಕೆ ನಮನ|೧೨|
ಮಾಳೇಟಿರ ಸೀತಮ್ಮ ವಿವೇಕ್
