ಗಾಯತ್ರಿ ಸಾಕೇನವರ ಗದಗ ಅವರ ಕವಿತೆ-ಪಲ್ಲವಿ - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಗಾಯತ್ರಿ ಸಾಕೇನವರ ಗದಗ

ಪಲ್ಲವಿ

ಬಂದು ಬಿಡೆ
ನನ್ನ ಮುದ್ದೆ
ಬಂದು ಬಿಡು
ನನ್ನ ಜೊತೆಗಾಗಿ
ಗತಕಾಲದ ಬೇಸರಕೆ
ತಂಪು ನಗೆಯಾಗಿ
ಬಂದು ಬಿಡು
ನನ್ನೆದೆಯ ಗೀತೆಗೆ
ಇಂಚರದ ದನಿಯಾಗಿ
ಬದುಕಿನ ಕತ್ತಲೆಗೆ
ಹೊಂಗಿರಣ ಬೆಳಕಾಗಿ
ಬಂದು ಬಿಡು
ನಗುಮೊಗದ
ಕಿರುನಗೆಯು ನಿನಾಗಿ
ಕಂಗಳಲಿ ಉದಯಿಸುವ
ಕಾಂತಿಯಾಗಿ
ಬಂದು ಬಿಡು ನೀ
ನನ್ನೆದೆಯ ಕನಸುಗಳ
ಉಸಿರಾಗ ಬೇಕು
ಹೃದಯದ ಬಯಕೆಗೆ
ತನ್ನೆಳಲು ಬನವಾಗ ಬೇಕು
ನೀನಿರ ಬೇಕು ಎನ್ನ ಬಾಳ ಗೀತೆಗೆ
ಸ್ವರ ಪ್ರಾಸ ಪಲ್ಲವಿಯಾಗಿ