ಕಾವ್ಯ ಸಂಗಾತಿ
ನಾಗಪ್ಪ ಸಿ ಬಡ್ಡಿ
ಹರಿಯುವ ನದಿಯಾಗೋಣ !
ನದಿ ಹರಿಯುವಾಗ
ಹಳ್ಳ, ಕೊಳ್ಳಗಳನ್ನು
ಜೊತೆ ಮಾಡಿಕೊಂಡು ಮುಂದೆ
ಹೋಗುವಂತೆ
ಸರ್ವರನ್ನು
ಕರೆದುಕೊಂಡು ಹೋಗಬೇಕಾಗಿದೆ !
ಗಿಡ, ಮರ, ಪಕ್ಷಿ, ಪ್ರಾಣಿಗಳಿಗೆ
ನೀರುಣಿಸಿ ಮುಂದೆ
ಹೋದಂತೆ
ದೀನ, ದಲಿತರ, ಬಡವರ
ಜೊತೆಗೆ ಹೋಗಬೇಕಾಗಿದೆ !
ಬಾಯಾರಿ ಬಳಿ ಬಂದವರಿಗೆ
ನೀರುಣಿಸಿ
ತೃಪ್ತಿ ಪಡಿಸುವುದೊ
ಹಾಗೆ ಕಷ್ಟದಲ್ಲಿರುವವರ
ಕೈ ಹಿಡಿದು ನಡೆಸಬೇಕಾಗಿದೆ !
ಎಷ್ಟೆ ಕಷ್ಟ ಬಂದರೂ
ಅಂಕು ಡೊಂಕಾಗಿಯಾದರೂ ಹರಿದು ಸಮುದ್ರ
ಸೇರುವುದೊ
ಹಾಗೆ ಸರ್ವರನ್ನು ಕರೆದೊಯ್ಯಬೇಕಾಗಿದೆ ಮುಕ್ತಿಯ ಮಾರ್ಗದೆಡೆಗೆ !
———————————-
ನಾಗಪ್ಪ ಸಿ ಬಡ್ಡಿ
Very nice and super Sir. Keep it up