ಆಸ್ತಿ ಐಶ್ವರ್ಯ ಹೇಗಾದರೂ ಇರಲಿ, ನಡೆದು ಬಂದ ದಾರಿ ನಿನಗೆ ನೆನಪಿರಲಿ.

ವಿದ್ಯೆ -ಬುದ್ಧಿ ಹೇಗಾದರೂ ಇರಲಿ,
ಕಲಿಸಿ ಹೋದ ಗುರು ಚಿತ್ತದಲ್ಲಿರಲಿ.

ಇಂದು ನಾಳೆ ಏನೇ ಆಗಲಿ,
ಎದುರಿಸುವ ದೃಢಸಂಕಲ್ಪವಿರಲಿ.

ಕಷ್ಟ ಸುಖ ಏನೇ ಇರಲಿ,
ಅನುಭವಿಸುವ ತಾಳ್ಮೆ ಇರಲಿ.

ದೇಶ ಭಾಷೆ ಯಾವುದೇ ಆಗಿರಲಿ,
ಮಾತೃಭೂಮಿಯ ಅಭಿಮಾನ ಇರಲಿ.

ಒಳಿತು ಕೆಡುಕು ಏನೇ ಆಗಲಿ,
ಬಂದಂತೆ ಸ್ವೀಕರಿಸುವ ಗುಣವಿರಲಿ.

ಹಗಲು ಇರುಳು ನಿತ್ಯಸಾಗಲಿ,
ನಿತ್ಯ ಕಾಯಕ ನಿನ್ನದಾಗಿರಲಿ.

ಮಳೆ ಗಾಳಿ ಸದಾ ಬರಲಿ,
ರೈತನ ಬಾಳು ಹಸನಾಗಿರಲಿ.