ಕಾವ್ಯ ಸಂಗಾತಿ
ಪ್ರೊ. ಸಿದ್ದು ಸಾವಳಸಂಗ,ತಾಜಪುರ
ಏತಕೆ ಬೇಸರ ಗೆಳೆಯ
ಏತಕೆ ಗೆಳೆಯ ಈ ಪರಿ ಬೇಸರ !
ಕಂಡಿತು ಮುಖದಲಿ ನೋವಿನ ನೇಸರ !!
ಮುದ್ದು ಮಗು ಬರಲಿಲ್ಲ ಓದಿ ಮುಂದೆ !
ಸಾಕು ಬಿಡು ಸ್ವಂತ ದುಡಿದು ತಿನ್ನಲಿ ಇಂದೆ !!
ಮಗಳಿಗೆ ನಡೆಸಿದೆ ವರನ ಹುಡುಕಾಟ !
ಸೋತು ಗೊಣಗಿದೆ ಇದಾವ ಜನ್ಮದ ಕಾಟ !!
ಕಾಡಿತು ಸ್ವಂತ ಸೂರಿಲ್ಲವೆಂಬ ಚಿಂತೆ !
ಹೋಗಲಿ ಬಿಡು,ಹಲವರ ವಾಸವೇ ಈಗ ಕೊಳಗೇರಿ ಸಂತೆ !!
ಸತಿಯ ಮಹದಾಸೆ ಕಂಠಕೆ ಚಿನ್ನದ ಕಾಸಿನ ಸರ !
ನಿನಗೆ ದುಡ್ಡು ಹೊಂದಿಸಲಾಗದ ನೋವು ಮರಮರ !!
ತಪ್ಪಲಿಲ್ಲವಲ್ಲ ನೆರೆ ಹೊರೆಯವರ ಮತ್ಸರ !
ಅದೇಕೋ ನಿಲ್ಲಲಿಲ್ಲ ಅವರ ತೊಂದರೆ ತರತರ !!
ನೀನಾದೆ ನಂಜುಂಡ ನೋವು ಅಪಮಾನ ನುಂಗಿ !
ನಿನ್ನ ಸಮ ಯಾರಿಲ್ಲ ಗೆಳೆಯ ಆದರೂ ನೀನು ಏಕಾಂಗಿ !!
