ಕಾವ್ಯ ಸಂಗಾತಿ
ರತ್ನರಾಯಮಲ್ಲ
ಗಜಲ್
ಬಿಡುವಿರದ ಬಾಳಲಿ ನನ್ನವಳನು ಓಲೈಸುತಿರುವೆ ಮುದ್ದಿಸಲು
ಚಿಂತೆಯ ಗೂಡಿನಲಿ ಸಮಯವ ಬಯಸುತಿರುವೆ ಮುದ್ದಿಸಲು
ಜೀವನವಿಡೀ ನಿನ್ನ ಕಾಲಿಗೆ ಗೆಜ್ಜೆಯಾಗಿರಲು ಪಣ ತೊಟ್ಟಿರುವೆ
ನನ್ನದಲ್ಲದ ವಿಧಿಯ ಕೃಪೆಗಾಗಿ ಹಂಬಲಿಸುತಿರುವೆ ಮುದ್ದಿಸಲು
ನಾಳೆಗಳ ಒತ್ತಡದಲಿ ಇಂದು ಉಸಿರಾಡುವುದೆ ಜೀವನವಾಗಿದೆ
ಏಕಾಂತದ ರಸಮಯ ತಾಣವನು ಅರಸುತಿರುವೆ ಮುದ್ದಿಸಲು
ಯುಗಯುಗಗಳಲೂ ಶೃಂಗಾರವೆ ಸಂಜೀವಿನಿ ರತಿ ಮನ್ಮಥರಿಗೆ
ಶಶಿಯು ನಾಚುವಂತೆ ಇರುಳನು ಸಿಂಗರಿಸುತಿರುವೆ ಮುದ್ದಿಸಲು
ಮಲ್ಲಿ ಹೃದಯ ನಿನ್ನ ಕನವರಿಕೆಯಲಿ ಪ್ರೇಮರಾಗ ಹಾಡುತಿದೆ
ಕಂಗೆಡಿಸುತಿರುವ ಆಭರಣಗಳನು ಜಾರಿಸುತಿರುವೆ ಮುದ್ದಿಸ
