ಕಾವ್ಯ ಸಂಗಾತಿ
ಗಜಲ್
ಡಾ.ರೇಣುಕಾತಾಯಿ.ಸಂತಬಾ
ಕಾಣದ ಕಂದಕದಲಿ ಬಿದ್ದವರಿಗೆ ನೀಡಿ ಸಾಂತ್ವನತೆಯ ಮೀಸಲಾತಿ /
ಅಸಮಾನತೆ ಸಾಲಲಿ ನಿಂತವರಿಗೆ ನೀಡಿ ಸಮಾನತೆಯ ಮೀಸಲಾತಿ //
ದ್ವೇಷದ ಕಡಲಲಿ ಕಚ್ಚಾಡುವವರಿಗೆ ನೀಡಿ ಸೌಹಾರ್ಧತೆಯ ಮೀಸಲಾತಿ/
ನಾ ನೀ ಮೇಲಾಟದಲಿ ತೊಡಗುವವರಿಗೆ ನೀಡಿ ಸಹನತೆಯ ಮೀಸಲಾತಿ //
ಆಡಂಬರದ ಅಬ್ಬರದಲಿ ಎಗರಾಡುವವರಿಗೆ ನೀಡಿ ಸರಳತೆಯ ಮೀಸಲಾತಿ /
ಸ್ವಾರ್ಥ ಸಾಧನೆಯಲಿ ನಿರತರಾದವರಿಗೆ ನೀಡಿ ನಿಸ್ವಾರ್ಥತೆಯ ಮೀಸಲಾತಿ //
ಗಲಭೆ ಗೊಂದಲದಲಿ ತೊಡಗಿದ್ದವರಿಗೆ ನೀಡಿ ಶಾಂತತೆಯ ಮೀಸಲಾತಿ/
ಸಿರಿವಂತರ ಮಧ್ಯದಲಿ ಬಡವರಿಗೆ ನೀಡಿ ಮಮತೆಯ ಮೀಸಲಾತಿ//
ತಾಯಿ ಕೊಟ್ಟ ಸಲಹೆಯಲಿ ಬದುಕಿಗೆ ನೀಡಿ ಮಹತ್ವತೆಯ ಮೀಸಲಾತಿ
ಅಸೂಯೆಯ ಪರಾಕಾಷ್ಠೆಯಲಿ ಇದ್ದವರಿಗೆ ನೀಡಿ ಕಕ್ಕುಲಾತೆಯ ಮೀಸಲಾತಿ/
