ಕಾವ್ಯ ಸಂಗಾತಿ
ಪರಿಹಾರ ನೀನೆತೋರು
ಇಮಾಂ ಮದ್ಗಾರ
ಅನ್ಯೋನ್ಯವಾಗಿದ್ದ ಮನಸುಗಳೇಕೋ ತದ್ವಿರುದ್ದವಾಗಿವೆ
ಇನ್ನೇನೇನು ಆಗುವದಿದೆಯೋ
ಬಡಬ್ರುಕುಸಿಯಂತಾಗಿವೆ
ಪ್ರೇಮಾಲಾಪಗಳು
ಬಸವಳಿಯುತ್ತಿವೆ ಪ್ರೆಮನಿವೇದನೆಗಳು
ಬಿತ್ತುವದನ್ನೇ ಮರತಂತಿವೆ ಕನಸುಗಳು
ಎಂದೂಕಾಣದ ಕಂಪನ ಕಾಣುತ್ತಿವೆ ಭಾವನೆಗಳು
ಇಂಪಾದಗೀತೆ ಹಾಡುತ್ತಿದ್ದ ಎದೆಕಂಪಿಸುತ್ತಿದೆ
ಹುಂಬತನದಿ ಮನಸಿಗೆ ಇಂಬುಕೊಟ್ಟ ಹೃದಯ ತಳಮಳಿಸುತಿದೆ
ಮನಸುಗೆದ್ದು ಹೃದಯಕದ್ದು ಬೀಗಿದ ಮನಸಿನಲ್ಲೀಗ ಅನುಮಾನದ ಬಿರುಗಾಳಿ ಕೆಂದೂಳಿಯನ್ನೆಬ್ಬಿಸಿದೆ
ಬತ್ತುತ್ತಿದೆ ಪ್ರೀತಿಯೊರತೆ ಹಿತ್ತಾಳೆಕಿವಿಯ ಮಾತಿನಿಂದ ಸಿಡಿಲೊಡೆಯುತಿದೆ ಒಡಲಿನೊಳು
ಮಧುವಿನ ಕೊಳದೊಳು ಮುಳುಗೆದ್ದರೂ ನಿಶೆಯಾಗುತ್ತಿಲ್ಲ ನಶೆಯಮಲೇರದಿದ್ದರೆ ಮನಸ್ಸು ಮಲಗುವದಿಲ್ಲ
ಪರಿಹಾರ ನೀನೆತೋರು
