ಸಿಹಿಯಾಗಲಿ ಸಂಕ್ರಾಂತಿ
ಸುರೇಶ್ ಕಲಾಪ್ರಿಯಾ
ಬದಲಾಯಿತು ಸೂರ್ಯ ಪಥ
ಸಂಕ್ರಮಣದ ನೆಪದಲ್ಲಿ
ಬದಲಾಗಬೇಕಿದೆ ಗುರಿಯ ಪಥ
ಸಾಧನೆಯ ನೆನಪಲ್ಲಿ
ಝಾಡಿಸುತ್ತಿವೆ ತರುಲತೆಗಳೆಲ್ಲಾ
ಮೈಯ ಮೆತ್ತಿದ ಕೊಳಕ
ಬೀಳಿಸುತ ನೆಲಕವನು
ಹೊಸ ಚಿಗುರ ಸ್ವಾಗತಿಸಿ
ಕಿಚ್ಚ ಹಾಯುವ ಪಶುವೂ
ಕಳೆದು ಪಡೆದಿದೆ ಹೊಳಪ
ಮೈಗೆ ಮೆತ್ತಿದ ಕ್ರಿಮಿಯ ಕೆಡವಿ
ಚೈತನ್ಯವನ್ನು ಮತ್ತೊಮ್ಮೆ ಮೈಗೂಡಿಸಿ
ಸರಿಯುತ್ತಿರುವುದು ಕಾಲ
ಕೊರಗುತ್ತಿರುವುದು ಬದುಕು
ಎಚ್ಚರದಿ ನಡೆದರೂ ಬೆನ್ನು ಬಿಡದೆ
ಬೇತಾಳವಾಗಿದೆ ಕಾಣದ ಕ್ರಿಮಿ
ಸಂಕ್ರಾಂತಿ ಸಿಹಿಯು ಕಹಿಯಾಗದಿರಲಿ
ದಿಕ್ಕೆಟ್ಟ ಬದುಕು ನೆಮ್ಮದಿಯ ಕಾಣಲಿ
ಕಾಣದ ಕ್ರಿಮಿಯ ಮಣ್ಣು ಸೇರಲಿ
ಸಂಕ್ರಮಣಕ್ಕೆ ಹೊಸ ಅರ್ಥ ಬರಲಿ
About The Author
