ಕಾವ್ಯ ಸಂಗಾತಿ
ಕಾವ್ಯ ಸಂಗಾತಿ
ಅಬಾಬಿಗಳು
ಧನಪಾಲ ನಾಗರಾಜಪ್ಪ
೧
ಪ್ರೀತಿ…
ಅರ್ಥವೇ ಆಗದ ದೊಡ್ಡ ಪುಸ್ತಕ
ಅರ್ಥವಾದರೆ ಬದುಕು ಸಾರ್ಥಕ
ಧನು…
ಪ್ರೇಮಾಯಾ ತಸ್ಮೈ ನಮಃ!
೨
ಬಡವನೋ ಬಲ್ಲಿದನೋ
ಅಜ್ಞಾನಿಯೋ ವಿಜ್ಞಾನಿಯೋ
ಅಧಮನೋ ಉತ್ತಮನೋ
ಧನು…
ಕಾಲ ಯಾರನ್ನೂ ಬಿಡುವುದಿಲ್ಲ.
೩
ಮುಕ್ತವಾಗಿ ಮಾತನಾಡು
ಎಲ್ಲರ ಕಷ್ಟಗಳನ್ನು ತೀರಿಸಲಾಗದು
ಕೊಂಚವಾದರೂ ಸ್ಪಂದಿಸುವುದು ಕಲಿ
ಧನು…
ಸ್ನೇಹ-ಪ್ರೀತಿಗಳಲ್ಲೇ ದೈವವು ನೆಲೆಸಿದೆ.
೪
ಸಂಘಕ್ಕೆ ಶರಣಾಗು
ಧರ್ಮಕ್ಕೆ ದೀಪವಾಗು
ಬುದ್ಧತ್ವಕ್ಕೆ ಬದ್ಧನಾಗು
ಧನು…
ಜ್ಞಾನವೇ ದಿಟವಾದ ದೈವ.
೫
ಭೂತಕಾಲದ ಬಗ್ಗೆ ಅಳಬೇಡ
ಭವಿಷ್ಯದ ಬಗ್ಗೆ ಚಿಂತಿಸಬೇಡ
ವರ್ತಮಾನದಲ್ಲಿ ಜೀವಿಸು
ಧನು…
ಬುದ್ಧಂ ಶರಣಂ ಗಚ್ಚಾಮಿ.
ಸಂಗಾತಿಗೆ ಶರಣು