ಕಾವ್ಯ ಸಂಗಾತಿ
ಸುರೇಶ ತಂಗೋಡ
ಬದುಕು
ಒಮ್ಮೆ ಏರುತಾ
ಮೊಗದೊಮ್ಮೆ ಬೀಳುತಾ
ನಡೆದಿದೆ ಹಿಂದಕೆ-ಮುಂದಕೆ
ಈ ಬದುಕು.
ಕಷ್ಟಗಳ ಕಟ್ಟಿ
ಸುಖವ ಬಿಚ್ಚಿಡುತಾ
ಬಾಳಬೇಕಿದೆ ಮೂರು ದಿವಸ
ಈ ಬದುಕ.
ಹೆಂಗೆಂಗೋ
ಎಲ್ಲೆಲ್ಲೋ ದಿನ ಕಳಿತಾ
ಅರ್ಥವಿಲ್ಲದ್ದು ಬದುಕಲ್ಲ,ಅರಿಯಬೇಕಿದೆ ನೀ
ಈ ಬದುಕ.
ಮೂರು ದಿನವೊ
ನೂರು ದಿನವೊ ಗೊತ್ತಿಲ್ಲ
ಇಲ್ಲಿ ನಿನ್ನದೇನಿಲ್ಲ ಮುದುಕ ತಿಳಿ
ಈ ಬದುಕ.
ಬದುಕ ಬಾಳಬೇಕು
ಹಸನಾಗಿಸಬೇಕು ನೋಡ
ಪ್ರತಿಕ್ಷಣ ಜೀವಿಸು ಆಗ ಸಾರ್ಥಕ
ಈ ಬದುಕ.
About The Author
