-

ಕಾವ್ಯ ಸಂಗಾತಿ

ಮಾಜಾನ್ ಮಸ್ಕಿ ಯವರ ಕವಿತೆಗಳು

ಹಸಿವು

ಹಸಿವಿನ ನರಳಾಟದಲ್ಲಿ
ತುಳಿತಕ್ಕೆ ಒಳಗಾಗುವೇವು ನಾವು
ಸಂಕಟದಲ್ಲಿ ಒದರಾಡಿದರೆ
ಆರಡಿಯಲ್ಲಿ ಹೂಳುವಾರು

ಹಸಿವಿನ ಚೀಲ ಬೆನ್ನು ತಟ್ಟಿದೆ
ಶಾಂತಿ ನೆಮ್ಮದಿಯ ವೇದಾಂತ
ಕಿವಿಯಲ್ಲಿ ಗುಣುಗುಟ್ಟಿದೆ
ಮೋಸ ವಂಚನೆ ಕೊರಳ ಉರುಳಾಗಿದೆ

ಮಾಯೆ ಎಂಬುವರು ಬಾಳು
ಆಸೆ ದುಃಖಕ್ಕೆ ಮೂಲ ಎನ್ನುವರು
ಕಡಿವಾಣ ಇಲ್ಲದೆ ಹಸಿವು
ಮೆರೆಯುತ್ತಿದೆ

ಎಲುಬಿಲ್ಲದ ನಾಲಿಗೆ
ಬಯಸುತ್ತಿದೆ ರುಚಿ
ಹಸಿವು ತಣಿಯುವ ಮಂತ್ರ
ವೇದಾಂತ ಇದೆಯೇ ಮನವೇ…

*********

ಜೀವೋನ್ಮಾದ

ಕಪ್ಪು ಕಲ್ಲಿನ
ಕಾಂತಿಯುತ ಶಿಲಾಬಾಲಕೇ
ಕಪ್ಪು ಮಣ್ಣಿನ ತಂಪು ನೀ
ಅದರಲ್ಲಿ ಅರಳಿ ನಿಂತ
ಹತ್ತಿ ಹೂವ ನಗೆ ನೀ
ನಿಸರ್ಗಲೇಪಿತ
ಸೌಂದರ್ಯ ವರ್ಧಕ ನೀ
ಮನ -ಮನಸ್ಸಿಗೆ
ಮುದ ನೀಡುವ
ಮಣ್ಣಿನ ಕಂಪು ni
ಆಗಸದ ನೀರೆಲ್ಲಾ
ಈ ಮಣ್ಣಿನಲ್ಲಿ
ಆ ಗಂಗೆಯ
ಲವಲವಿಕೆ ನೀ
ಕಷ್ಟ -ನೋವಿನಲಿ
ಸುಖದ ಪರಾಗತ ನೀ
ಆನಂದಮಯಿ ನೀ
ಏನೆಂದು ಬಣ್ಣಿಸಲಿ
ಸೌಂದರ್ಯವೇ —
ಉಸ್ತಾಹಿಯೇ —
ನಿನ್ನ ನೋಡುವರಿಗೆಲ್ಲ
ಜೀವೋನ್ಮಾದ ನೀ
ನಿಶೆ ತರುವ
ನಶೆಯ ಮದ್ದು ನೀ
ಪರಾಮೃತ ನೀ…