ಕಾವ್ಯ ಸಂಗಾತಿ
ಶೀರ್ಷಿಕೆ ಇರದ ಪುಟ..!
ಈರಪ್ಪ ಬಿಜಲಿ
ಹುಟ್ಟು ಉಚಿತ
ಸಾವು ಖಚಿತ
ನಡುವೆ ಇರುವ ಬಾಳಿಗೆ
ಅರ್ಥವಿಲ್ಲದೆ ಬಾಳಿದರೆ
ಅದೊಂದು ಶೀರ್ಷಿಕೆ ಇರದ ಪುಟ…
ಅನಂತ ಪಯಣದಲಿ
ಹಲವಾರು ನಿಲ್ದಾಣಗಳಿವೆ
ಸಾಗುವ ಪಯಣದಲಿ ಗುರು – ಗುರಿಯಿಲ್ಲದೇ
ಚಲಿಸಿದರೆ ಶಿರ್ಷಿಕೆ ಇರದ ಪಟದ
ಬಸ್ಸಿನಲಿ ಹತ್ತಿ ಪ್ರಯಾಣಿಸಿದಂತೆ….
ವಿಶಾಲ ಸಾಗರದಿ ಸೌಂದರ್ಯ ರಾಶಿ
ಸವಿಯುತ್ತ ನಾವಿಕನಿಲ್ಲದ ನಾವೆಯನು
ಏರಿದರೆ ಶೀರ್ಷಿಕೆ ಇರದ ಪುಟವನ್ನು
ಸರಸರನೆ ಓದಿದಂತೆ…
ಭಾವನೆಗಳೇ ಇಲ್ಲದ ಬಾಲೆಯನ್ನು
ಜೀವಕ್ಕಿಂತ ಹೆಚ್ಚಾಗಿ ಪ್ರೀತಿಸದರೇನು ಫಲ?
ಘಮವಿರದ ಸುಮದಂತೆ..ಆ ಪ್ರೀತಿ..
ಶೀರ್ಷಿಕೆ ಇರದ ಪುಟವಲ್ಲವೇ…ಓ ದೇವ..!!
