ಅನುವಾದಿತ ಕವಿತೆ

ಅನುವಾದ ಸಂಗಾತಿ

ಕನಸಿನಿಂದ ಹೊರಡದಿರಿ

ಮೂಲ ಸಾಬೀರ ದತ್ತ

ಕನ್ನಡಕ್ಕೆ–ರುಕ್ಮಿಣಿ ನಾಗಣ್ಣವರ

ಕನಸಿಂದ ಹೊರಡದಿರು ರಾತ್ರಿ ಇನ್ನೂ ಬಹಳ ಇದೆ
ನೀ ಬಾ ನನ್ನ ಮಗ್ಗಲಿಗೆ ರಾತ್ರಿ ಇನ್ನೂ ಬಹಳ ಇದೆ

ತುಂಬಿಕೊಳುವೆ ನಿನ್ನ ಕಣ್ಣುಗಳಿಗೆ ಸ್ವಲ್ಪ ನಿರಾಳತೆ ಸಿಗಲಿ
ದೀಪವನ್ನು ಆರಿಸದಿರು ರಾತ್ರಿ ಇನ್ನೂ
ಬಹಳ ಇದೆ

ಈ ಬೆಳಕು-ಇರುಳಿನ ಆಟಗಳ ಯಾರು ಬಲ್ಲವರು
ಬಿಟ್ಟು ಹೊರಡಬೇಡ ರಾತ್ರಿ ಇನ್ನೂ
ಬಹಳ ಇದೆ

ಇರಲಿ ಬಿಡು ನನ್ನೆದುರಿಗೆ ಚಂದಿರನಂಥ ಚಹರೆ ಇನ್ನೂ
ಮತ್ತಷ್ಟು ಮದಿರೆ ಕುಡಿಸು ರಾತ್ರಿ ಇನ್ನೂ
ಬಹಳ ಇದೆ

ಕಳೆಯಲಿ ಪ್ರತಿ ಕ್ಷಣವೂ ಪ್ರೀತಿಯ ಮಾತುಗಳಲಿ
ಸ್ವಲ್ಪ ಎಚ್ಚರದಿಂದಿರು ರಾತ್ರಿ ಇನ್ನೂ ಬಹಳ ಇದೆ

---