ಸಿದ್ದಲಿಂಗಪ್ಪ ಬೀಳಗಿ ಅವರ ತನಗಗಳು - ಸಾರ್ಥಕ ಬದುಕಿಗೆ ಸಾಹಿತ್ಯ ಸಂಗಾತಿ

ಕಾವ್ಯ ಸಂಗಾತಿ

ಸಿದ್ದಲಿಂಗಪ್ಪ ಬೀಳಗಿ

ತನಗಗಳು

೧
ಸೋತು ಹೋದೆನೆನ್ನುವ
ಪಾಪ ಪ್ರಜ್ಞೆ ಬಿಸಾಕು
ಗೆಲುವಿನ ಕುದುರೆ
ಹತ್ತಿ ಓಡಿಸು ಸಾಕು
೨
ಸಾಸಿವೆಯ ತರಲು
ಸಾಲುಗಟ್ಟಿದ ಜನ
ಸಾವಿಲ್ಲದ ಮನೆಯ
ಹುಡುಕಿ ಕಳಾಹೀನ
೩
ನನ್ನ ನಿನ್ನ ನಡುವೆ
ಸುಮ್ಮನೇಕೆ ಬಿರುಕು
ತಣ್ಣನೆಯ ಪ್ರೀತಿಯು
ನೆಮ್ಮದಿಯ ಸರಕು
೪
ಮುಡಿ ತುಂಬ ಮಲ್ಲಿಗೆ
ಮೊಗದಿ ನಗು ಹಾರ
ನೋಡುವ ಮನದಲಿ
ಪ್ರೀತಿ ಪೋಣಿಸು ದಾರ
೫
ಊರ ಮಂದಿಗೆ ಅಂಜಿ
ಊರೂರು ಸುತ್ತಿದಾತ
ದಾರಿ ಸರಿದ ಮೇಲೆ
ವಾಸ್ತವಕೆ ಬಂದಾತ
೬
ನಗೆ ಬೀರಿದಾಗೊಮ್ಮೆ
ಎದೆಯಲಿ ನಡುಕ
ಹದವಾಗಿ ತಬ್ಬಲು
ಬಿಸಿ ಗಾಳಿಯ ತಾಪ