ಗಜಲ್ ಸಂಗಾತಿ
ಅಮರೇಶ ಎಂಕೆ
ಗಜಲ್
ಮುಳುಗಿಸಿ ಮೋಜು ನೋಡುತ್ತಿರಬಹುದು ಮೋಡಗಳು
ಆಸರೆಯಾಗಲು ಕೈಚಾಚುತ್ತಿರಬಹುದು ಗಿಡಗಂಟೆಗಳು
ಉರಿಬಿಸಿಯೆಲ್ಲಾ ತಣ್ಣಗಾಗಿ ಮೌನಕ್ಕೆ ಮೊರೆ ಹೋಗಿದೆ
ಕ್ರಿಮಿಕೀಟಗಳ ಆಟ ಗಮನಿಸುತ್ತಿರಬಹುದು ಮರಗಳು
ನೀಲಿ ಬಾನಿಗೆ ಬಿಳಿ ಪರದೆ ಎಳೆದು ಓಡಾಟ ನಡೆದಿದೆ
ಮತ್ತೆ ಮಳೆಯಾದರೆ ಆಳ ತಿಳಿಸಬಹುದು ಕಂಬಗಳು
ನೆಲ ನುಂಗಿದ ಬೇರುಗಳನು ನೀರು ನುಂಗಿರಬಹುದೇ
ವಾಸ್ತವ ಅರಿಯಲು ದಡಕ್ಕೆ ಕರೆತರಬಹುದು ಜನಗಳು
ಇಷ್ಟೊಂದು ನೀರು ಮಳೆ ನೀರಲ್ಲ ನೋಡು ‘ಅಮರ’
ದುಃಖದಿ ಮಡುಗಟ್ಟಿ ನಿಂತಿರಬಹುದು ಕಣ್ಣ ಹನಿಗಳು
ಅಮರೇಶ ಎಂಕೆ
About The Author
