ಕಾವ್ಯ ಸಂಗಾತಿ
ಮಿನಿ ಕವಿತೆಗಳು
ಮಾಜಾನ್ ಮಸ್ಕಿ
ಮನದಲ್ಲೇನೋ ಆಸೆ
ಕಣ್ಣಲ್ಲಿ ನಿರಾಶೆ
ಅರಳು ನಗುವಿನಲ್ಲಿ
ಬಾಡಿದ ಹೂವಿನ ಛಾಯೆ
ಅದೇಕೋ ಹರಡಿದ ಬೆಳಕಲ್ಲಿ
ಕತ್ತಲೆಯ ನೆರಳು
===
ಬಾನು ಸೀಳಿ ನೀರು
ಸುರಿಸುವ ಆಸೆ
ಅಲ್ಲೇ ಹೆಪ್ಪುಗಟ್ಟಿ ನಿಂತ
ಮೋಡದ ಮೇಲೆ ಹತಾಶೆ
===
ನೆರವೇರದ ಮನದ ಭಾವನೆಗಳು
ಕಣ್ಣೀರು ಸುರಿಯದ ಕಂಗಳು
ಮುಸುಕು ಹೊದ್ದ ಕನಸು
ಹೃದಯಗಳಿಗೆ ಮುನಿಸು
===
ಎಲ್ಲೋ ಮೂಡಿದ ಭಾವ
ಇನ್ನೆಲ್ಲೋ ಹುಡುಕಾಟ
ಬಂಧಿಯಾದ ಜೀವ
ಬಿಡುಗಡೆಗೆ ಹೋರಾಟ
About The Author
