ಕಾವ್ಯ ಸಂಗಾತಿ
ನತದೃಷ್ಟೇ ಹೆಣ್ಣು…!?
ಐಗೂರು ಮೋಹನ್ ದಾಸ್
ಆ ಕತ್ತಲೆ ರಾತ್ರಿಯಲ್ಲಿ
ನತದೃಷ್ಟೇ ಹೆಣ್ಣು ತನ್ನ
ಉಡುಪು ಕಳಚಿ ಅಪರಿಚಿತ
ಪುರುಷನೊಂದಿಗೆ ಮಿಲನವಾಗುವ
ವೇಳೆ ಅವಳ ಸ್ತನಗಳು
ಮಾತ್ರ ರೋಧಿಸುತ್ತಿದ್ದವು
ಪ್ರತಿ ರಾತ್ರಿ ಹೊಸ ಹೊಸ
ಪರಪುರುಷರ ಕಪಿಮುಷ್ಠಿಯಲ್ಲಿ ಅವುಗಳು ನರಳುತ್ತಿದ್ದವು.
ಬಡತನ ಅವಳನ್ನು ಆ
ಪಾಪಕೂಪಕ್ಕೆ ತಳ್ಳಿಹಾಕಿತ್ತು…!!
ಈ ಕ್ರಿಯೆಯಲ್ಲಿ ಅವಳಿಗೆ
ತುಸು ‘ಸುಖ’ ದೊರೆಯುತ್ತಿರಲಿಲ್ಲ..!
‘ಕಾಮದಾಹ’ ಸತ್ತು ಹೋಗಿ
‘ತಿಥಿ’ ಮುಗಿದೇ ಹಲವು
ವರ್ಷವಾಗಿತ್ತು..!
ಆದರೂ ದೇಹ ‘ಮಾರಿ’
ಬದುಕುವಂತಹ ವ್ಯಾಪಾರಿಯಾಗಿ
ಬಿಟ್ಟಳು…!!!
ಇದು ವಿಧಿಯೋ….?
ಹಿಂದಿನ ಜನ್ಮದ ಪಾಪದ
ಫಲವೋ ಗೊತ್ತಿಲ್ಲ…!
ಆದರೆ ಒಂದು ‘ಪ್ರಣಯ’ದ
‘ ವಂಚನೆ’ಯ ಫಲಿತಾಂಶವು
ದುರಂತ ನಾಯಕಿಯ
ಶಿಲೆಯಾಗಿ ಕೆತ್ತಿತ್ತು..!
ಜೊತೆಗೆ ಬಡತನ
ನಕ್ಕಿತ್ತು…!!!
About The Author
