ಕಾವ್ಯ ಸಂಗಾತಿ
ಇವನಂತ ಸ್ನೇಹಿತ ಜಗದೊಳಿಲ್ಲ..!
ಶಿವಲೀಲಾ ಹುಣಸಗಿ
ಮಸ್ತಕವೇ ಪುಸ್ತಕದ ಪುಟಗಳು
ಪ್ರಜ್ಞೆಯ ಪ್ರಾಂಜಲದ ಕನಸುಗಳು
ಪಾರಮಾರ್ಥಿಕ ಬದುಕಿಗೆ
ಮುನ್ನುಡಿ ಬರೆದ ಪ್ರಾಜ್ಞಪುಟಗಳು
ಅರಿವೇ ಗುರುವೆಂಬುದು ಸಂಸ್ಕೃತಿ
ಹರಿವ ನೀರಿನಂತೆ ಜ್ಞಾನದ ಗಂಗೆ
ಅಗಣಿತ ಭಾವತೇರುಗಳಲಿ
ಲೀನವಾಗಿ ಅರಿವಿನ ಶ್ರೀಗಂಧ
ಓದಿನ ಫಲಾಪಲ ಬಲ್ಲವನೇ ಬಲ್ಲ
ವಿದ್ಯೆ ವಿನಯದ ಭಾವತರಂಗ
ಸತ್ಯಾಸತ್ಯತೆಯ ಒಳಧ್ವನಿಯೆಲ್ಲ
ಇತಿಹಾಸದ ಪುಟಪುಟಗಳಲೆಲ್ಲ
ಜಗದಗಲ ವಿಸ್ತರಿಸಿದ ಜ್ಞಾನ ಜ್ಯೋತಿ
ಮಸ್ತಕದೊಳು ಹಣತೆಯ ಬೆಳಗಿಸಿ
ಸುಜ್ಞಾನಿಗಳಾಗುವ ಹಿತೈಸಿ ಪುಸ್ತಕ
ನಮ್ಮ ಒಳಹೊರಗನ್ನು ತಿದ್ದಿದ ಜ್ಞಾನಿ
ಇವನಂತ ಸ್ನೇಹಿತ ಜಗದೊಳಿಲ್ಲ ಕಾಣಿರೋ
ಹಿತ ಶತ್ರುಗಳಿಂದ ಮುಕ್ತಿ ದೊರಕಿತು
ತಲೆತಗ್ಗಿಸಿ ಓದಿ,ತಲೆಯೆತ್ತಿ ಬದುಕುವಿರೋ
ಮಾನ ಸಮ್ಮಾನದ ಪ್ರತಿರೂಪವಿದೋ
About The Author
ಬಹಳ ಸುಂದರವಾಗಿದೆ. ಅರ್ಥಪೂರ್ಣ
ಬಹಳ ಅರ್ಥಪೂರ್ಣವಾದ ಕವಿತೆ
ತುಂಬಾ ಚೆನ್ನಾಗಿದೆ
ಓದು ಬಲ್ಲವ ಎಲ್ಲವನು ಅರಿಯಬಲ್ಲ ಮಸ್ತಕಕ್ಕೆ ಪುಸ್ತಕ ಒಂದು ಇರಲು ಕೇಳಬೇಕೆ? ಸೊಗಸಾದ ಕವನ
ಬದಕಿಗೊಂದು ತಿರುವು ಕೊಡುವ
ನೆನಪಿಗೊಂದು ಸಾಲು ಬರೆವ
ಹೊತ್ತಿಗೆ ಹೊತ್ತು, ತುತ್ತು ನೀಡುವ
ಅರಿವಿಗೆ ಜಗದೊಳು ನಡೆಯುವಾ…
ಸಹೋದರಿಯ ಕವಿತೆ ಚೆಂದ.ಪುಸ್ತಕವಿಡಿದರೆ,ಮುಂದಿನ ದಿನಗಳಲ್ಲಿ ತಲೆ ಎತ್ತಿ ಬಾಳಬಹುದು ಎಂಬ ಇರಾದೆ.
ಅದಕ್ಕಾಗಿ ಓದಬೇಕು.
ಓದುತ ಕಲಿಯಬೇಕು ಎಂಬ ಪದ ಸಮಂಜಸವಿದೆ.
ಆ ಹಾ ಅತೀ ಸುಂದರ ಸತ್ಯದ ಸಾಲುಗಳು ಮೇಡಂ ರೀ .ಬಲ್ಲವರೆ ಬಿಂಬಿಸಲು ಸಾಧ್ಯ.ಮೇರು ಶಿಖರದ ಮೌಲ್ಯ ಇನ್ನೋಂದು ಮೇರು ಶಿಖರವೇ ಬಲ್ಲುದು.ಶರಣು ಶರಣು
ವಿಶ್ವ ಪುಸ್ತಕ ದಿನಾಚರಣೆಗೆ ಸುಂದರ ಕವಿತೆ….
‘ಸುಪರ್ ಸ್ನೇಹಿತ’ ಶಿವಲೀಲಾ…….
ಓದು ಅದರ ಸಾರ್ಥಕತೆ ಅವಶ್ಯಕತೆ, ಬೀರುವ ಪರಿಣಾಮ ಅದ್ಭುತವಾಗಿ ಕಟ್ಟಿಕೊಟ್ಟಿದ್ದಿರಿ ಧನ್ಯವಾದ