ರಕ್ತದಾಹಿ ದುಷ್ಟರವರು
ಜಗದೊಳು ಕಂಟಕ ದುರಾಂಕಾರಿಗಳು
ಮಾನವೀಯತೆಯ ನರರಹಿತ
ರಾಕ್ಷಸಪುತ್ರ ಅಧಿಕಾರಶಾಹಿಗಳವರು
ಕೆಣಕಿ ನೋಡ ಬಾರದಿತ್ತು ಶತ್ರುಗಳನು,!

ಕಂದಮ್ಮಗಳ ಸರಣಿ ಕೊಲೆ
ಅದೊಂದು ಅಮಾನವೀಯ ಕೃತ್ಯ
ಪಾಪಿಗಳು ಅನುಭವಿಸುತ್ತಿಹರು
ಪ್ರತಿಕಾರ ಪ್ರಾರಂಭ ಅವಕಾಶವೆಲ್ಲೊ?
ರಕ್ತದಾಹಿಗೆ ರಕ್ತದಿಂದ ಪ್ರತ್ಯೂತ್ತರವಷ್ಟೇ,!

ಯಾರ ಬೆವರಿನ ಬಂಗಲೆ,
ಯಾರದ್ದೊ ಬಾಂಬಿಗೆ ಉರುಳಲು
ಕನಸು ಹಲವರ ನುಚ್ಚುನೂರಾಗಲು
ಯುದ್ದವೆಂಬ ಭಯಾನಕತೆ ಕಾವೇರಿದೆ
ಸರ್ವನಾಶಕ್ಕೆ ಹೊಸ ಇತಿಹಾಸ ಬರೆಯಲಿದೆ,!