ಕಾವ್ಯ ಸಂಗಾತಿ
ಎ. ಹೇಮಗಂಗಾ
ಜುಲ್ ಕಾಫಿಯಾ ಗಜಲ್
ಆಡಬೇಕಾದ ಸವಿ ಮಾತುಗಳನಿನ್ನೂ ಆಡಿಲ್ಲ ಹೊರಟು ನಿಂತೆಯೇಕೆ ನಲ್ಲ
ಕಂಡೊಡನೆ ಹೂ ಮುತ್ತೊಂದನಿನ್ನೂ ನೀಡಿಲ್ಲ ಹೊರಟು ನಿಂತೆಯೇಕೆ ನಲ್ಲ
ಇರುಳ ಬಾನಿನಲಿ ತಾರಾಮಾಲೆಗೆ ಬೆಳ್ಳಿ ಚಂದ್ರನ ಪದಕ ಮೆರುಗು ತಂದಿದೆ
ಎದೆಗೊರಗಿ ಸೃಷ್ಟಿ ಸೊಬಗನಿನ್ನೂ ನೋಡಿಲ್ಲ ಹೊರಟು ನಿಂತೆಯೇಕೆ ನಲ್ಲ
ಗಾಢ ಮೌನದಿ ಹುದುಗಿಹ ನಿನ್ನ ನಡೆಯ ಗೂಢಾರ್ಥವ ಹೇಗೆ ಅರಿಯಲಿ
ಕೊರಳನು ಬಳಸುತ ನನ್ನನಿನ್ನೂ ಕಾಡಿಲ್ಲ ಹೊರಟು ನಿಂತೆಯೇಕೆ ನಲ್ಲ
ಒಲವ ಬಿಗಿತೆಕ್ಕೆಯಲಿ ಬಂಧಿಸದೇ ತಟಸ್ಥವಾಗಿವೆ ಬಾಹುಗಳು ಅದೇಕೋ
ರಸಹೀನ ಅಧರಕೆ ಅಮೃತವನಿನ್ನೂ ತೀಡಿಲ್ಲ ಹೊರಟು ನಿಂತೆಯೇಕೆ ನಲ್ಲ
*ಹೇಮ* ಳ ಕಾಯುವಿಕೆಯ ಕಾಯಕ ಇಂದು ಕಾಣಲೇಬೇಕಿದೆ ಅಂತ್ಯವ
ಪಲ್ಲಂಗದಿ ಶೃಂಗಾರ ಕಾವ್ಯವನಿನ್ನೂ ಹಾಡಿಲ್ಲ ಹೊರಟು ನಿಂತೆಯೇಕೆ ನಲ್ಲ
ಎ. ಹೇಮಗಂಗಾ
ಆಪ್ತ ಹೃದಯದ ಮಿಡಿತ ಗಝಲ್ ನಲ್ಲಿ ಬಹಳ ಸೊಗಸಾಗಿ ಅನಾವರಣಗೊಂಡಿದೆ.