ಕಾವ್ಯ ಸಂಗಾತಿ
ಡಾ.ರೇಣುಕಾತಾಯಿ.ಸಂತಬಾ
ಗಜಲ್
ಇರಿದು ಗಾಯ ಮಾಡಿದೆ ಆ ನೆನಪು
ಸರಿದು ಹೋಗದಾಗಿದೆ ಆ ನೆನಪು ll
ಬೆರಳ ಸಂಧಿಯಿಂದ ಹರಿದು ಬಂತು
ತೋಳು ಬಳಸಿ ಹಿಡಿದಿದೆ ಆ ನೆನಪು ll
ಮಾತಿನಲ್ಲಿ ಮತ್ತೇರಿಸಿ ಕಟ್ಟಿ ಹಾಕಿದೆ
ಕವಿತೆಯ ಗುಂಗಿನಲಿದೆ ಆ ನೆನಪು ll
ಪ್ರೇಮವು ಕಣ್ಣುಗಳಲ್ಲಿ ಐಕ್ಯವಾಗಿತ್ತು
ಬಣ್ಣದ ಕನಸಲಿ ಮುಳುಗಿದೆ ಆ ನೆನಪುll
ತಾಯಿ ಮಮತೆಯನು ಕ್ಷಣ ಮರೆಸಿತ್ತು
ಪ್ರೀತಿಯ ಸೆಳೆತಕ್ಕೆ ಸಿಲುಕಿದೆ ಆ ನೆನಪು ll
ಡಾ.ರೇಣುಕಾತಾಯಿ.ಸಂತಬಾ.
ರೇಮಾಸಂ
About The Author
