ನಮ್ಮಳಗೊಬ್ಬ
ಸಂತೆಬೆನ್ನೂರು ಫೈಜ್ನಟ್ರಾಜ್
ಮನಸಲ್ಲಿ ಕೋಟಿ ಕೋಟಿ
ಯುದ್ಧ ಸಾಮಗ್ರಿಗಳನ್ನು ಹೊತ್ತು
ಕಡಲ ದಡದಿ ನೆಮ್ಮದಿ ಹುಡುಕ್ತಿದ್ದ!
*
ಎದುರಿಗೇ ಎಲ್ಲಾ ಐತೆ
ಏನೋ ಮಿಸ್ಸಾಗಿದೆ ಅಂತ
ಎದ್ದು ನಡೆದ ಇದ್ದುದನ್ನ ಬಿಟ್ಟು!
*
ಕಣ್ಣೆದುರು ಇದ್ರೆ ಕಣ್ ಕೆಂಪು..ಉರಿ ಉರಿ
ಮರೆಯಾದ್ರೆ ಕಳ್ಕಂಡೋರ ತರ
ಅಂಡ್ ಸುಟ್ ಬೆಕ್ಕು!
*
ಹಾಡ್ತಾನೆ,ಕುಣಿತಾನೆ,ನಗ್ತಾನೆ,ಅಳ್ತನೆ
ಎಲ್ಲಾ ಸರಿ ಮತ್ ಎದುರಿರೋ
ಬಳಿ ಏನೈತ್ರಿ ಈ ಬಾಳ್ನಾಗೆ….ರಾಗ
*
ನಾಯಿ ಬಾಲ ನೇರ ಮಾಡಬಹುದಂತೆ
ಹೆಂಗೋ ನಮ್ಮೊಳಗಿದ್ದಾನಲ್ಲಾ ಅವನ್ನ
ಊಹ್ಞುಂ….ಗುಂಡ್ಕಲ್ಲದು!!
