ಕಾವ್ಯ ಸಂಗಾತಿ
ಜಯಶ್ರೀ ಎಸ್ ಪಾಟೀಲ
ಫೋಟೋಗ್ರಾಫಿ ಢೇ!ಕವಿತೆ
“ಛಾಯಾಚಿತ್ರಗ್ರಹಣ”
ಛಾಯಾಚಿತ್ರಗ್ರಹಣ ನನ್ನ ಹುಚ್ಚು ಹವ್ಯಾಸ
ಎಷ್ಟು ಚಿತ್ರ ತೆಗೆದರೂ ನನಗಿಲ್ಲ ಆಯಾಸ
ಸುಂದರ ಪಟಗಳ ನೋಡಿದಷ್ಟು ಉಲ್ಲಾಸ
ಕ್ಯಾಮೆರಾದಲ್ಲಿಯ ಚಿತ್ರಗಳು ಕಣ್ಣಿಗೆ ಸಂತಸ
ಬೆಚ್ಚನೆಯ ಗೂಡಲ್ಲಿ ಮಲಗಿದ ಗುಬ್ಬಿ ಮರಿ
ಬೆಟ್ಟಗಳ ನಡುವೆ ಧುಮುಕುವ ಚಿಕ್ಕ ಝರಿ
ಗರಿಗಳ ಬಿಚ್ಚಿ ನರ್ತಿಸುವ ನಾಟ್ಯ ಮಯೂರಿ
ಚೆಂದವು ಕ್ಯಾಮೆರಾದಲ್ಲಿ ಸೆರೆಯಾದ ಪರಿ
ಬಾನಂಗಳದಲ್ಲಿ ಚಿಲಿಪಿಲಿ ಹಕ್ಕಿಗಳ ಆಟ
ಹುಲ್ಲಿನ ಬಯಲಲ್ಲಿ ಕುರಿ ಹಿಂಡುಗಳ ಕೂಟ
ರಂಗು ರಂಗಿನ ಆಕರ್ಷಕ ಹೂಗಳ ತೋಟ
ಕ್ಯಾಮೆರಾದ ಸೆರೆಯಲ್ಲಿ ಸುಂದರ ನೋಟ
ಕಡಲ ತೀರದಲಿ ಮುಸ್ಸಂಜೆಯ ಸೊಬಗು
ಸೂರ್ಯೋದಯ ಸೂರ್ಯಾಸ್ತದ ಬೆರಗು
ಹಸಿರಿನ ಹೊದಿಕೆಯಲಿ ಇಳೆಯ ಬೆಡಗು
ಕ್ಯಾಮೆರಾ ಸೆರೆಯಲ್ಲಿ ಸಿಕ್ಕು ಹೆಚ್ಚಿದೆ ಮೆರಗು
ಹುಟ್ಟು ಹಬ್ಬ ಮದುವೆಯ ಆಚರಣೆಗಳು
ಅನೇಕ ಪ್ರಕಾರದ ಸಭೆ ಸಮಾರಂಭಗಳು
ಬಾಳಲ್ಲಿ ಜರುಗಿದ ಅಪರೂಪದ ಘಳಿಗೆಗಳು
ಕ್ಯಾಮೆರಾದ ಸೆರೆಯಲ್ಲಿ ಸುಂದರ ಕ್ಷಣಗಳು
ಜಯಶ್ರೀ ಎಸ್ ಪಾಟೀಲ
ಸೂಪರ್ ಕವನ ಮೇಡಮ್