ಕಾವ್ಯ ಸಂಗಾತಿ
ಶಕುಂತಲಾ ಎಫ್ ಕೋಣನ ರ
ಹೊಸ ಬೆಳಕು
ನೋವುಗಳೇನೇ ಬರಲಿ ಸಾಗುವ ಹಾದಿಯಲಿ/
ಸರಿಸಿ ನಡೆಯೋಣ ಎದೆಗುಂದದಂತೆ..
ಮನದ ಕೋಗಿಲೆಯ ದನಿ ಕುಂದದಿರಲೆಂದೆಂದೂ/
ಮತ್ತೆ ಚಿಗುರಲಿ ಕನಸು ಚೈತ್ರದಂತೆ…
ನೀನೊಂದು ಕುಳಿತಾಗ ಜಗವೇ ನಿಂತಂತೆನಗೆ/
ಕಣ್ಣಂಚಿನ ಮಿಂಚು ಮಾಸದಿರಲಿ….
ತಿಳಿ ಬಾನಿನಂದದಿ ಹಗುರವಾಗಿರು ಗೆಳತಿ
ಹವಳದ ತುಟಿಗಳು ಮುದುಡದಿರಲಿ..
ಈ ಭುವಿಯೆ ಸ್ವರ್ಗ ನೀನೆನ್ನ ಜೊತೆಗಿರಲು
ಹೃದಯ ನಂದನದಲ್ಲಿ ಅರಳಿ ನಿಂತಿರುವೆ….
ಸಖಿ ನೀನೇ ದೇವತೆ ನಾ ನಿನ್ನ ಪೂಜಾರಿ
ಅನವರತ ಮನವಿಟ್ಟು ಆದರಿಸುವೆ..,…
ನೂರಾರು ಕನಸುಗಳು ನಮಗಾಗಿ ಕಾಯುತಿವೆ
ಪಂಚಮ ವೇದಕೆ ವೇದಿಕೆ ಈ ಬದುಕು…
ಆಡೋಣ ಹಾಡೋಣ ಸರಸ ಸಮ್ಮೇಳನದಿ
ಪಂಚಭೂತ ಸಾಕ್ಷಿಯಲಿ ಹೊಮ್ಮಲಿ ಹೊಸ ಬೆಳಕು
—————————————-
ಶಕುಂತಲಾ ಎಫ್ ಕೋಣನ ರ
