ಕಾವ್ಯ ಸಂಗಾತಿ
ಇಂದಿರಾ ಮೋಟೆಬೆನ್ನೂರ
ಜೊತೆಯಿರಲು
ಹೊಸತು ಚಿಗುರು
ಹಳತು ಬೇರು
ಬೆರೆತು ನಡೆಯೇ
ಜೀವ ಸೊಗಸು…
ನವ ಪಲ್ಲವ
ಹೊನ್ನ ಹಣ್ಣೆಲೆ
ಅರಿತು ಬಾಳೆ
ಭಾವ ಹೊನಲು…
ಮಾವ ಒಗರು
ಅಳಿದು ಸಿಹಿಯು
ತುಂಬಿ ತುಳುಕೆ
ಅಧರ ಮಧುರ…
ಬೇವ ಕಹಿಗೆ
ಬೆಲ್ಲ ಸವಿಯು
ಬೆರೆತ ಘಳಿಗೆ
ಎಲ್ಲ ಬೆರಗು…
ಇಂದು ಹೊಸತು
ನಾಳೆಗದುವೆ ಹಳತು
ಕಾಲ ಚಕ್ರ ಸುಳಿಯು
ಅರಿಯೇ ಬಾಳು ಹಸನು
ಹೊಸತು ಅರಸಿ ನಡೆವ
ನಿತ್ಯ ಸ್ನೇಹ ಪಯಣ
ಹಳೆ ಬೇರಿನಿಂದ
ಭದ್ರ ಬದುಕ ಸೆರಗು..
ಹಸಿರು ಮಾಗಿ ಹೊನ್ನಾಗಿ
ಕಣ್ಣತುಂಬಿ ತುಳುಕಿ
ಒರಟಳಿದು ಮಿದುವಾಗೆ
ಮಧುರ ಮನಸು..
ಇರುಳ ಮನೆ ದೀಪ
ಶಶಿ ಬೆಳಕ ಕಿರಣ
ಜೊತೆ ಇರಲು ತಾನು
ನಡೆವೆ ದೂರ ನಾನು
————————-
ಇಂದಿರಾ ಮೋಟೆಬೆನ್ನೂರ
ಅತ್ಯಂತ ಭಾವಪೂರ್ಣ ಕವಿತೆ ಮೇಡಂ ಧನ್ಯವಾದಗಳು