ಅಂಕಣಬರಹ
ವಚನ ಮೌಲ್ಯ
ಸುಜಾತಾ ಪಾಟೀಲ ಸಂಖ
ದಿನಕ್ಕೊಂದು ವಚನ ಮೌಲ್ಯ -07
” ಬೆಲ್ಲದ ನೀರೆರೆದಡೇನು, ಬೇವು ಸಿಹಿಯಪ್ಪುದೆ?
ಕತ್ತುರಿಯ ಲೇಪನವಿತ್ತಡೇನು, ನೀರುಳ್ಳಿಯ ದುರ್ಗಂಧ ದೂರುಪ್ಪುದೆ?
ಕಸುಗಾಯ ಹಿಸುಕಿದಡೇನು, ಹಣ್ಣಿಗೆ ಹವಣಪ್ಪುದೆ?
ಕಿರಿಯ ಮನದ ಮಾನವನಿಗೆ ಬಹಿರಂಗದ ಬರಿಯ ಸಂಸ್ಕಾರವಾದಡೇನು?
ಭವಿಯಾಗಿಪ್ಪನಲ್ಲದೆ ಭಕ್ತನಪ್ಪನೆ ಕೂಡಲ ಚನ್ನಸಂಗಮದೇವಾ,
ಪೂರ್ವಗುಣವಳಿದು ಪುನರ್ಜಾತನಾಗದನ್ನಕ್ಕ?”
ಚಿನ್ಮಯ ಜ್ಞಾನಿ ಚೆನ್ನಬಸವಣ್ಣ
ವಿಶ್ವಗುರು ಅಪ್ಪ ಬಸವಣ್ಣನವರ ನೇತೃತ್ವದಲ್ಲಿ ಉದಯಿಸಿದ ಕಲ್ಯಾಣ ಕ್ರಾಂತಿಯು ಜಗತ್ತಿನ ಇತಿಹಾಸದಲ್ಲೇ ತಾತ್ವಿಕ ಸ್ವರೂಪದ ಸತ್ಯ ಸಂಶೋಧನೆಯ ಕೇಂದ್ರವಾಗಿತ್ತು ಎಂಬುದು,
ಶರಣರ ವಚನಗಳನ್ನು ಅವಲೋಕಿಸಿದಾಗ, ಅರ್ಥೈಸಿಕೊಂಡಾಗ ಮನದಟ್ಟಾಗುತ್ತದೆ.
ಇಂದಿನ ಮುಂದುವರಿದ ವೈಜ್ಞಾನಿಕ ಸಂಶೋಧನೆಗಳಿಗೆ ಮರು ವಿಮರ್ಶೆಗೆ ಹಲವು ಅವಕಾಶಗಳು ಇವೆ.
ಆದರೆ ಶರಣರು ರಚಿಸಿರುವ ವೈಚಾರಿಕ ನಿಲುವಿಗೆ ಯಾವುದೇ ಮರು ವಿಮರ್ಶೆ ತರ್ಕ, ವಿತರ್ಕ ಸೊಂಕಲಾರವು. ಅಷ್ಟೊಂದು ತಾತ್ವಿಕ ನೆಲೆಯಲ್ಲಿ ಶರಣರು ವಚನಗಳನ್ನು ರಚಿಸಿದ್ದು ನೋಡಿದರೆ ಅವರೆಂಥಾ ತತ್ವ ಬೋಧಕರಾಗಿದ್ದಾರು, ಮತ್ತು ತತ್ವ ಪರಿಪಾಲಕರಾಗಿದ್ದರು ಎಂಬುದು ಗೊತ್ತಾಗುತ್ತದೆ.
ಚರಾಚರ ಸೃಷ್ಟಿಯ ಮೂಲ ನಿಯಮಗಳಿಗೆ ಭದ್ಧರಾದ ಶರಣರು
ಬೆಲ್ಲದ ನೀರೆರೆದಡೇನು,
ಬೇವು ಸಿಹಿಯಪ್ಪುದೆ?
ಸೃಷ್ಟಿಯ ಮೂಲ ಸತ್ಯಗಳನ್ನು ಯಾವುದೇ….. ಕಾರಣಕ್ಕೆ ಯಾರಿಂದಲೂ ಬದಲಿಸಲು ಸಾಧ್ಯವೇ? ಇಲ್ಲ , ಬೇವಿಗೆ ಬೆಲ್ಲದ ನೀರು ಸುರಿದರೆ ಅದು ಎಂದಾದರೂ ಸಿಹಿ ಆಗುವುದೇ
ಎಂಬ ಶರಣರ ಸವಾಲಿಗೆ ಯಾರಾದರೂ ಉತ್ತರಿಸಬಹುದೇ?
ಇಲ್ಲ, ಅದು ಸಾಧ್ಯವೇ ಇಲ್ಲ.
ಇದುವೇ…. ಶರಣರ ಶಕ್ತಿ.
ಕತ್ತುರಿಯ ಲೇಪನವಿತ್ತಡೇನು,
ನೀರುಳ್ಳಿಯ ದುರ್ಗಂಧ
ದೂರುಪ್ಪುದೆ?
ಇನ್ನೊಂದು ತಾತ್ವಿಕ ಮೂಲ ಸತ್ಯದ ಉಧಾರಣೆ ಕೊಟ್ಟಿದ್ದಾರೆ, ಈರುಳ್ಳಿಗೆ ಕಸ್ತೂರಿಯ ಲೇಪನ ಹಚ್ಚಿದರೆ ಅದರ ಮೂಲ ವಾಸನೆ ದೂರ ಹೋಗಲು ಸಾಧ್ಯವೇ? ಅದು ಎಂದಿಗೂ ಆಗದ ಮಾತಾಗಿದೆ.
ಸೃಷ್ಟಿಯಲ್ಲಿಯ ಇಂತಹ ಸಾಮಾನ್ಯ ಉದಾರಣೆಗಳ ಮೂಲಕ ಸೃಷ್ಟಿಯ ಮೂಲತತ್ವಕ್ಕೆ ಮಾನವನ ಜೀವನ ಬದ್ಧವಾಗಿ ಇರಬೇಕೆಂಬುದು ಶರಣರ ಆಶಯವಾಗಿದೆ.
ಕಸುಗಾಯ ಹಿಸುಕಿದಡೇನು, ಹಣ್ಣಿಗೆ ಹವಣಪ್ಪುದೆ?
ಹಸಿ ಕಾಯಿಯನ್ನು ಒತ್ತಿ ಹಿಚಕಿ ಹಣ್ಣು ಮಾಡಲು ಸಾಧ್ಯವಿಲ್ಲ
ಸೃಷ್ಟಿಯ ನಿಯಮದಂತೆ ಕಾಯಿ ಹಣ್ಣಾಗುವುದು ಹೊರತು…. ಮನುಷ್ಯನ ಆಸೆ ತ್ರಸೆಗಳಿಗೆ ಸೃಷ್ಟಿ ಬದಲಾಗದು. ಈ ಮೂಲ ಸತ್ಯವನ್ನು ಶರಣರು ಬಲವಾಗಿ ತಿಳಿಯಪಡಿಸಿದ್ದಾರೆ.
ಕಿರಿಯ ಮನದ ಮಾನವನಿಗೆ ಬಹಿರಂಗದ ಬರಿಯ ಸಂಸ್ಕಾರವಾದಡೇನು?
ಹಾಗೆಯೇ ಸಂಕುಚಿತ ಬುದ್ಧಿಯವರಿಗೆ ಕೇವಲ ಬಾಹ್ಯದ ಸಂಸ್ಕಾರ ಕೊಟ್ಟರೆ ಅವರ ಅಂತರಂಗ ಸಂಸ್ಕಾರ ಹೊಂದಿ ಶುದ್ಧವಾಗಲಾರರು, ಅಷ್ಟೇ ಅಲ್ಲ ಅವರು ತಮ್ಮ ಕುಬುದ್ಧಿಯಿಂದ ಹೊರ ಬರಲಾರರು.
ಭವಿಯಾಗಿಪ್ಪನಲ್ಲದೆ ಭಕ್ತನಪ್ಪನೆ ಕೂಡಲ ಚನ್ನಸಂಗಮದೇವಾ,
ಪೂರ್ವಗುಣವಳಿದು ಪುನರ್ಜಾತನಾಗದನ್ನಕ್ಕ?
ಅಷ್ಟೇ ಅಲ್ಲ,ಶರಣ ಚಿನ್ಮಯ ಜ್ಞಾನಿ ಚನ್ನಬಸವಣ್ಣನವರು ಹೇಳುತ್ತಾರೆ.
ಇಂತಹ ಕುಬುದ್ಧಿಯ ಜನರು ತಮ್ಮ ಭವಿತನದಿಂದಲೂ ಹೊರಗೆಂದು ಬರಲಾರರು, ಮನುಷ್ಯ ತನ್ನ ಪೂರ್ವ ಗುಣಗಳಿಂದ ಸಂಪೂರ್ಣ ಮುಕ್ತನಾಗಬೇಕಾದರೆ,
ಶರಣತ್ವದ ಗುಣಗಳನ್ನು ಪಡೆದು ಹೊಸ ಮಾನವನಾಗಿ ಬದಲಾವಣೆಯಾದರೆ ಮಾತ್ರ
ಪೂರ್ವ ಗುಣಗಳಿಂದ ಸಂಪೂರ್ಣ ಮುಕ್ತನಾಗಿ, ಭಕ್ತನಾಗಿ ಹೊರಹೊಮ್ಮಲು ಸಾಧ್ಯ ಎಂಬ ಖಚಿತ ಅಭಿಪ್ರಾಯವನ್ನು ಶರಣ ಚಿನ್ಮಯ ಜ್ಞಾನಿ ಚನ್ನಬಸವಣ್ಣನವರು ಸ್ಪಷ್ಟ ಪಡಿಸಿದ್ದಾರೆ.
(ಇದುವೇ ಶರಣರ ದ್ರಷ್ಟಿಯಲ್ಲಿ ಪುನರ್ಜನ್ಮ ಪರಿಕಲ್ಪನೆ.ಇದು ನನ್ನ ಸ್ವಅಭಿಪ್ರಾಯ. )
ಸುಜಾತಾ ಪಾಟೀಲ ಸಂಖ
ಸುಜಾತಾ ಸಿದ್ದನಗೌಡ ಪಾಟೀಲ
ಇವರು ಮೂಲತಃ ಮಹಾರಾಷ್ಟ್ರದ ಸಾಂಗಲಿ ಜಿಲ್ಲೆಯ ಜತ್ತ ತಾಲೂಕಿನ ಸಂಖ ಗ್ರಾಮದವರು.
ಕ್ರಷಿ ಕುಟುಂಬದ ಸುಸಂಸ್ಕೃತ ಗೌಡಕಿ ಮನೆತನದವರು.
ವಿದ್ಯಾರ್ಹತೆ – M A, L L B.
ಇವರು ರಾಜಕೀಯದಲ್ಲಿ
ಸಾಂಗಲಿ ಜಿಲ್ಲಾ ಪಂಚಾಯತ್ ಸಭಾಪತಿಯಾಗಿ,
ಜಿಲ್ಲಾ ನಿಯೋಜನೆ ಕಮಿಟಿಯ ಸದಸ್ಯರಾಗಿ,
ಸಾಂಗಲಿ ಜಿಲ್ಲಾ ದಕ್ಷತಾ (ಪೋಲಿಸ)ಕಮಿಟಿಯ ಸದಸ್ಯರಾಗಿ,
ಸ್ತ್ರೀ ಬ್ರುಣಹತ್ಯಾ ನಿರ್ಮೂಲನ ಕಮಿಟಿ ಸದಸ್ಯರಾಗಿ,
ಬಾಲಕಾರ್ಮಿಕ ವಿರೋಧಿ ಕಮಿಟಿ ಸದಸ್ಯರಾಗಿ,
ರೈತರ ಆತ್ಮಹತ್ಯೆ ನಿಯಂತ್ರಣ ಮಂಡಳಿ ಸದಸ್ಯರಾಗಿ,
ತಂಟಾ ಮುಕ್ತ ಗಾಂವ ಕಮಿಟಿ ಸದಸ್ಯರಾಗಿ,
ಈಗಲೂ ಹಲವಾರು ಸಂಘ ಸಂಸ್ಥೆಗಳ ಅಧ್ಯಕ್ಷರಾಗಿ, ಸಕ್ರಿಯ ಸದಸ್ಯ,ವಿಶ್ವಸ್ಥರಾಗಿ, ಈಗ
ಕೆಲವು ವರ್ಷಗಳಿಂದ
ಬಸವ ತತ್ವದ ಪ್ರಸಾರ ಮಾಡುವ ಕೈಂಕರ್ಯದಲ್ಲಿ ನಿತ್ಯ ನಿಸ್ವಾರ್ಥವಾಗಿ ಶ್ರಮಿಸುತ್ತಿರುವ ಶರಣ ಜೀವಿಗಳು.
* ಆದರ್ಶ ಸಭಾಪತಿ ಪುರಸ್ಕಾರ.
* ಸಾವಿತ್ರಿಬಾಯಿ ಫುಲೆ ಆದರ್ಶ ಪುರಸ್ಕಾರ.
* ಜೀಜಾಮಾತಾ ಪುರಸ್ಕಾರ.
* ಸಾಧಕ ಮಹಿಳೆ ಪುರಸ್ಕಾರ
* ಡಾ M M ಕಲಬುರ್ಗಿ ಫೌಂಡೇಶನ್ ವತಿಯಿಂದ ವಚನ ಸಿರಿ ಪುರಸ್ಕಾರ.
* ಇಂತಹ ಹಲವು ಪುರಸ್ಕಾರ ಮುಡಿಗೆರಿಸಿಕೊಂಡ
ಸುಜಾತಾ ಪಾಟೀಲ ಇವರು,
ಹೀಗೆ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ,ಸಾಧನೆಗೈಯುತ್ತಿರುವ ಇವರು
ಆದ್ಯಾತ್ಮಿಕತೆಯ ಮಗಳಾಗಿ,
ಶರಣರ ವಚನ ಮೌಲ್ಯ
ಈ ಮಾಲಿಕೆಯಲ್ಲಿ ಶರಣರ ತಾತ್ವಿಕ, ವೈಚಾರಿಕ ವೈಜ್ಞಾನಿಕ ಸಂದೇಶಗಳನ್ನು ಬಿತ್ತುವ ಕಾರ್ಯ ಮಾಡಲು ಮುಂದಾಗಿದ್ದಾರೆ.
ಪ್ರತಿ ವಾರ ಬರುವ ವಚನ ಮೌಲ್ಯ ಓದಿ ಹಾರೈಸೋಣ.
ಸುಜಾತಾ ಪಾಟೀಲ ಇವರಿಗೆ ಶುಭಾಶಯಗಳು.
ನಿಮ್ಮ ಶರಣ ಸೇವೆ ಸತತ ಸಾಗಲಿ ಶರಣು.
Om Shri Guru Basava Lingayanamaha Sharanusharanarthigalu
Tumbu Hrudayada Dhanyavadagalu mattu Hardik Hardik Subhashayagalu . RBD Miraj