ಕಾವ್ಯ ಸಂಗಾತಿ
ರೂಪಶ್ರೀ ಎಂ
ಸಾಲೆರಡು ಗೀಚು
ನನಗಾಗಿ ಬರದಿದ್ದರೂ
ಕವಿತೆಯ ಸಾಲೆರಡು ಗೀಚು
ನೆನಪಾದಾಗೆಲ್ಲ
ಹಾಡೊಂದು ಗುನುಗು
ಹೂವಲ್ಲದಿದ್ದರೂ
ಮುಳ್ಳನ್ನಾದರೂ ಹಾಸು
ಜೊತೆಯಿರಲು ಹಿಂಸೆ ಎಂದು
ಹಂಸದಂತೆ ತೇಲಿಹೋದೆ ನೀನು
ನಾವು ಕೂತ ಕಲ್ಲುಬೆಂಚು
ನೆನಪಿಸಿದೆ ನಮ್ಮಿಬ್ಬರ ಪಿಸುಪಾತು
ಆ ಹೂ ಮಾರುವಾಕೆಗೂ
ನನ್ನ ಕುರಿತು ಶಂಕೆ ನೋಡು
ಎದುರಾದಾಗ ನನ್ನ ಕಣ್ಣೊಮ್ಮೆ ನೋಡು
ನಿನ್ನ ಮರೆತ ಕುರುಹು ಕಾಣಬಹುದೇನೋ ಹುಡುಕು !
ರೂಪಶ್ರೀ ಎಂ
ರೂಪಶ್ರೀ ಎಂ
ಚೆಂದದ ಕವಿತೆ
ಜಿ. ಹರೀಶ್ ಬೇದ್ರೆ
ನಿನಗೆಂದೆ ಗೀಚಿದ್ದ
ಸಾಲುಗಳಿಗು ಸಂದೇಹ
ತೊರೆದು ಹೋದ ಮೇಲೆ
ನಿನಗಾಗಿ ಬರೆದದ್ದೆ
ಲೇಖನಿಗು ಅನುಮಾನವು