ಕಾವ್ಯ ಸಂಗಾತಿ
ಡಾ ಅನ್ನಪೂರ್ಣ ಹಿರೇಮಠ-
ಈ ಹೃದಯ
ಬಯಸಿ ಬಯಸಿ ಹಠ ಮಾಡುತಿದೆ
ಈ ಹೃದಯ ನೀ ಬೇಕೆಂದು ಇಂದು
ಕೊರಗಿ ಕೊರಗಿ ಸೋತು ಹೋಗಿದೆ
ಈ ಹೃದಯ ನೊಂದು ಬೆಂದು//
ಸನಿಹ ಸರಸ ಸಲುಗೆ ಬೇಕಾಗಿದೆ
ವಿರಹ ವಿರಸ ದೂರ ಸಾಕಾಗಿದೆ
ಕಣ್ಣೊಳಗೆ ನೀ ನಿಂದು ಕಾಡುತಿರುವೆ
ಬಂದು ಬಂದು ಹೊತ್ತು ಗೊತ್ತಿಲ್ಲದೆ
ಹೃದಯ ಭಾಷೆ ತಿಳಿಯದೆನೋ
ಗೆಳೆಯ ನಿನಗಿಂದು
ಸಂತೈಸಲಾರೆಯ ಇಂದು ನೀ ಬಂದು//
ಹೃದಯ ಬಡಿತ ಕೇಳದೆನೋ
ಗುಂಡಿಗೆಯು ಒಡೆಯುವ ಸದ್ದು
ನೀ ಬರದಿರೆ ಚೂರು ಚೂರು ಇಂದು
ದಯಬಾರದೇ ಚೂರು ಪಾರು//
ನಿನ್ನ ಕಂಡಂದೆ ಬೆಚ್ಚಿಬಿದ್ದು
ಹುಚ್ಚಾಗಿದೆಯೋ ಈ ಹೃದಯ
ಮರೆತು ಮರೆಯಾಗಿ
ವಿರಹದೀಟಿಯಿಂದ ಇರಿದು
ಕೊಚ್ಚಬೇಡ ಈ ಹೃದಯ//
ನಿನ್ನ ಆಟ ಹುಡುಗಾಟದಿಂದ
ಕಾಟ ಕೊಡಬೇಡ ಹೃದಯಕಿಂದು
ಸುಟ್ಟು ಕರಕಲಾಗದ ಮುನ್ನ
ಬಂದು ಹೋಗಿಸು ಈ ಹುನ್ನ//
ಕೋಪ ತಾಪ ಏಕೆ ಪರಿತಾಪ
ಬಿರುಗಾಳಿ ಎದ್ದು ದೂಳು ತುಂಬಿ
ಎದ್ದಿದೆ ಹೃದಯದಲೆಕೋ ಕೋಲಾಹಲ
ಎದೆಯ ದಡಕ್ಕೆ ಏಟು //
ಅಗಲಿಕೆಯ ನೋವು ಹೃದಯ ಹಿಂಡುತಿದೆ
ಬಯಕೆ ಬೆಂದು ಬಿರುಕಾಗಿದೆ
ನಿನ್ನ ಸ್ಪರ್ಶ ತಾಕದೆ
ಹರ್ಷಗೊಳ್ಳದು ಈ ಹೃದಯ
ಸ್ವಾರ್ಥವಿಲ್ಲದ ಈ ಹೃದಯದಿ
ಪ್ರಿಯ ನೀ ಇರಬಾರದೆ ಹಸಿರಾಗ
ಈ ಜೀವ ಇರುವವರೆಗೆ
ಡಾ ಅನ್ನಪೂರ್ಣ ಹಿರೇಮಠ
