ಕಾವ್ಯ ಸಂಗಾತಿ
ಶಂಕರಾನಂದ ಹೆಬ್ಬಾಳ
ಗಜಲ್
ಅಕ್ಕರೆಯಿಲ್ಲದ ಬದುಕನ್ನು ನಂಬಿ ಬಾಳುವುದು ಹೇಗೆ
ಒಡಲನ್ನೆ ಸುಡುವ ಯಾತನೆಯನ್ನು ಹೇಳುವುದು ಹೇಗೆ
ಸುಖವನ್ನು ಅರಸಿ ಹೊರಟವಳಿಗೆ ಸಿಕ್ಕಿದ್ದೇನು ಗೊತ್ತೇ
ಸುಖದ ಕಡಲಿನಲ್ಲಿ ದುಃಖವನ್ನು ಹೂಳುವುದು ಹೇಗೆ
ಮೋಡದ ಮರೆಯ ಚಂದ್ರನಂತೆ ಅದೃಷ್ಟ ಅಡಗಿತಲ್ಲ
ಮುಳುಗಿದ ಹಡಗಿನ ನಾವಿಕನಾಗಿ ಏಳುವುದು ಹೇಗೆ
ಕಪಟತನ ವಂಚನೆ ಮೋಸದಲಿ ಸಿಲುಕಿ ಹೋಗಬೇಡ
ಬುದ್ದನಂತೆಯೆ ತಾಳ್ಮೆಯಲಿ ಜಗವ ಆಳುವುದು ಹೇಗೆ
ಬಿಲದ ಮೂಷಿಕದಂತೆ ಹೊರಳೀತು ಜೀವನದ ಯಾನ
ಅಭಿನವನ ಸನ್ಮೀತ್ರರ ಕೂಟದಲಿ ಬೀಳುವುದು ಹೇಗೆ
ಶಂಕರಾನಂದ ಹೆಬ್ಬಾಳ
About The Author
