ಕಾವ್ಯ ಸಂಗಾತಿ
ಎನ್.ರಮೇಶ್.ಗುಬ್ಬಿ
ಹನಿಗವಿತೆಗಳು
- ಸಾರಿಗೆ..!
ತೀರ್ಥಕ್ಷೇತ್ರಗಳಲ್ಲಿ
ಸಿಕ್ಕಾಪಟ್ಟೆ ಬೇಡಿಕೆ
ಅನ್ನ ಸಾಂಬಾರಿಗೆ
ಇದಕೆ ಕಾರಣ….
ಉಚಿತ ಸಾರಿಗೆ.!
- ದಾಖಲೆ..!
ಸ್ತ್ರೀಶಕ್ತಿಯ ನಿದರ್ಶನ
ಎರಡೇ ವಾರಗಳಲ್ಲಿ
ನಾಲ್ಕು ಕೋಟಿಯಷ್ಟು
ಪ್ರಯಾಣದ ದಾಖಲು.!
ಜೊತೆ ಜೊತೆಗೆ ಅಲ್ಲಲ್ಲಿ
ಮೂರ್ನಾಲ್ಕು ನಿರ್ವಾಹಕÀರು
ದವಾಖಾನೆಗೆ ದಾಖಲು.!
- ಪರಿಣಾಮ..!
ತುಂಬಿ ತುಳುಕುವ
ಮಹಿಳೆಯರಿಂದ
ಸರಕಾರಿ ಬಸ್ಸುಗಳಿಗೆ
ಬರುತಿದೆ ಏದುಸಿರು
ಖಾಲಿ ಹೊಡೆಯುತ
ಖಾಸಗಿ ಬಸ್ಸುಗಳು
ಬಿಡುತಿವೆ ನಿಟ್ಟುಸಿರು.!
- ಪರಿಪಾಠ..!
ವಾರಾಂತ್ಯದಲ್ಲೀಗ..
ಹೆಂಡತಿ ತವರಿಗೆ
ಗಂಡ ಬಾರಿಗೆ
ಇದಕೆ ಪ್ರೇರಣ
ಉಚಿತ ಸಾರಿಗೆ.!
- ಶಕ್ತಿ ಪ್ರದರ್ಶನ..!
ಕೆಲವೆಡೆ ಬಸ್ಸಿನ ಹಿಂಬಾಗಿಲನ್ನೇ
ಕಿತ್ತು ನಿರ್ವಾಹಕನಿಗೆ ತಪರಾಕಿ
ಹಲವೆಡೆ ಬ್ಯಾನೆಟ್ಟಿನ ಮೇಲೆಯೇ
ಏರಿ ಚಾಲಕನಿಗೂ ಧಮಕಿ.!
- ವರ್ತಮಾನ.!
ಉಚಿತ ಸಾರಿಗೆಯ ಭರದಿಂದ
ಪುರುಶರಿಗೆ ಬಡಿದಿದೆ ಗರ
ಕೆಲವಷ್ಟು ಕಡೆ ಬಸ್ಸುಗಳಿಗೆ ಬರ
ಮತ್ತಷ್ಟು ಕಡೆ ಮಾನಿನಿಯರ
ಹಾಡು ನೃತ್ಯ ಆರ್ಭಟಗಳಿಂದ
ಚಾಲಕ-ನಿರ್ವಾಹಕರಿಗೆ ಚಳಿಜ್ವರ.!
ಎ.ಎನ್.ರಮೇಶ್.ಗುಬ್ಬಿ.
