ಕಾವ್ಯ ಸಂಗಾತಿ
ನಿಲೀಷಾ ಪ್ರೀಮಾ
ಜೀವನ
ಗುರಿ ಎನ್ನುವ ಕನಸಿಗೆ
ಕಷ್ಟ ಎನ್ನುವ ಮುಳ್ಳನ್ನು
ಧೈರ್ಯ ಎಂಬ ಸಾಹಸದಿಂದ
ಎದುರಿಸಿ ಜೀವನವನ್ನು ಮುನ್ನಡೆಸು
ತಿಮಿಂಗಿಲ ಎನ್ನುವ ಕಷ್ಟವನ್ನು
ಚಿಕ್ಕ ಮೀನಾಗಿ ಜೀವಿಸುವ ನೀನು ಸಮುದ್ರದಂತಿರುವ ಜೀವನದಲ್ಲಿ
ಹಿಜಾಡಿ ಗೆದ್ದು ದಡ ಸೇರು
ಪರರು ಏನೋ ಹೇಳಿದರು ಎಂದು ತಲೆಕೆಡಿಸದೆ
ನಿನ್ನ ಜೀವನದ ಗುರಿಯನ್ನು
ತಲೆಎತ್ತಿ ಸಮಾಜದಲ್ಲಿ ನಡೆದು
ಗೆದ್ದು ನಿನ್ನ ಜೀವನವನ್ನು ಹಸನಾಗಿಸು
ಸಾಮಾಜಿಕ ಜಾಲತಾಣ ಎನ್ನುವ ಮೋಹವನ್ನು ಹಿಂದಿಕ್ಕಿ
ಪುಸ್ತಕ ಎನ್ನುವ ಜ್ಞಾನ ಪ್ರೇಮವನ್ನು ಪಡೆದು
ಜೀವನದ ಪುಟದಲ್ಲಿ
ಹೊಸ ಅಧ್ಯಯವ ಪ್ರಾರಂಬಿಸಿ ಜಯಿಸು
ಸತ್ಯ ಧರ್ಮ ಎನ್ನುವ ಸಮಾಜದ ಗಾಳಿಯಲ್ಲಿ
ಅಸತ್ಯದ ಗುಡುಗನ್ನು ಎದುರಿಸಿ
ಮಳೆ ಎನ್ನುವ ಪ್ರೀತಿಯ ಹೂಮಳೆ ಸುರಿಸಿ
ಜೀವನದ ಸಮುದ್ರದಲ್ಲಿ ಗುರಿಯನ್ನು ಸೇರು
ನಿಲೀಷಾ ಪ್ರೀಮಾ
