ಕಾವ್ಯಸಂಗಾತಿ
ಹಮೀದಾ ಬೇಗಂ ದೇಸಾಯಿ
ಅಂತರಂಗದಲೆ….
ಮನೋಶರಧಿಯಲಿ
ಅಡಗಿದ ಭಾವಚಿಪ್ಪುಗಳು
ತವಕಿಸುತಿಹವು
ಅಲೆಯಾಗಿ ತೇಲಲು..
ಪಕ್ವಗೊಳುತಿಲ್ಲ
ಅದೇಕೋ ಚಿಪ್ಪುಗಳು
ಭಾರ ಮನದಿಂದ
ಎದ್ದೇಳಲಾರದೆ…
ಚೈತನ್ಯದ ಬೆಳಕು
ಅಂತರಂಗದೊಳು
ಇಳಿಯದಾಗಿದೆ
ಮನದಾಳಕೆ..
ಬಿಡಿಸಲಾಗದೆ
ಹೆಣಗಾಡುತಿವೆ
ಚಿಪ್ಪಿನೊಳಗಣ
ಭಾವಕಣಗಳು..
ಕಾದು ಕುಳಿತಿವೆ
ಸ್ವಾತಿ ಹನಿ ಹನಿಗೆ
ಮುತ್ತಾಗಲು;
ಒಲವಿನಲೆಯಾಗಿ
ತೇಲಿ ಬರಲು…
ರಚನೆ ಸೊಗಸಾಗಿದೆ.
ಧನ್ಯವಾದಗಳು ಮೆಚ್ಚುಗೆಗೆ.
ಮನದ ಚಿಪ್ಪಿನೊಳಗಿನ ಭಾವದಲೆಗಳು ರೂಹು ತಾಳಲಾರದೆ ಚಡಪಡಿಸುವ ಪರಿಯನ್ನು ತಮ್ಮ ಕವಿತೆ ತುಂಬ ಸೊಗಸಾಗಿ ಹಿಡಿದಿಟ್ಟಿದೆ.