ಕಾವ್ಯ ಸಂಗಾತಿ
ಗೆಣೆಕಾರ
ಅನುರಾಧಾ ಶಿವಪ್ರಕಾಶ್
ದೂರದ ಊರಿಂದ ಬರಬೇಕು ಗೆಣೆಕಾರ
ದೀಪಗಳ ಉರಿಸಲು ಇರಬೇಕು/ ನನ್ನೊಡನೆ
ಮೊಗದಿ ನಗೆಹೂವ ಘಮ ಬೇಕು/೧/
ಎಷ್ಟೊಂದು ದಿನವಾಯ್ತು ನಿನ್ನನ್ನು ಕಾಯುತ್ತಾ
ಕೊರಳುದ್ದ ಮಾಡಿ ನೋಡುತ್ತಾ / ನಿನ್ನನ್ನು
ಕಣ್ಣೆರಡು ಸೋತಿತ್ತು ಅರಸುತ್ತಾ/೨/
ದೀಪಗಳ ಸಾಲು ಬೆಳಗುವುದೇ ನೀನಿರದೆ
ನಿನ್ನೊಲವ ಎಣ್ಣೆ ಸೇರಿರದೆ / ನನ್ನೆದೆಯ
ಹೂ ಬತ್ತಿ ಅರಳುವುದೇ/೩/
ಹಬ್ಬದ ಸಡಗರದಿ ಮಾತಿಲ್ಲ ಕತೆಯಿಲ್ಲ
ಕಣ್ಣಿನ ಮಾತೇ ಸಾಕಲ್ಲ / ನಿನ ಜೊತೆಗೆ
ಮನೆತುಂಬ ಮಂದಿ ಇಹರಲ್ಲ.
ಒಡವೇ ವಸ್ತ್ರವು ಬೇಡ ಮೆಲ್ಲಲು ಸಿಹಿ ಬೇಡ
ನೀನಿರೆ ಸಗ್ಗ ಬೇರೇನು ಬೇಡ/ ಮಲ್ಲೆಯ
ಮಾಲೆಯ ತೊಡಿಸದೇ ಇರಬೇಡ /೪/
