ಕಾವ್ಯ ಸಂಗಾತಿ
ಕಲಿಕಾ ಹಬ್ಬ
ರಾಗ – ಚೆನ್ನಪ್ಪ ಚನ್ನೆ ಗೌಡ
ಬಂತಪ್ಪ ಬಂತು ಇಲ್ಲಿ
ಕಲಿಕಾ ಹಬ್ಬವು ನಮಗೆಲ್ಲಾ..
ಹಾಡನು ಹಾಡುವೆವೂ ನಾವು
ಆಟವ ಆಡುವೆವು…
ಊರನು ತಿಳಿಯೋಣ
ನಾವು ಬಣ್ಣವ ಹಚ್ಚೋಣ
ಮರವನು ಅರಿಯೋಣ ನಾವು
ನಕ್ಷೆಯ ರಚಿಸೋಣ..//ಬಂತಪ್ಪ//
ಹಾಡು-ಕಥೆ ಕಟ್ಟುವೆವು
ನಾವು ಗೊಂಬೆಯ ಮಾಡುವೆವು
ನೋಡಿ ಕಲಿಯುವೆವು ಚಿತ್ರವ
ಮಾಡಿ ಆಡುವೆವು …//ಬಂತಪ್ಪ//
ಕಸದಲಿ ರಸವುಂಟು..
ನಾವು ಉಪಯೋಗ ಮಾಡುವೆವು
ಮರದ ಎತ್ತರವ ನಾವು
ಇಲ್ಲಿಂದ ಅಳೆಯುವೆವು…
ಕತ್ತರಿ ಅಂಟಲ್ಲಿ
ನಮಗೆ ಮುಖವಾಡ ಮಾಡುವೆವು
ಟೋಪಿಯ ಮಾಡುತಲಿ ನಾವು
ಕುಣಿಯುತ ಕಲಿಯುವೆವು//ಬಂತಪ್ಪ//
