ಕಾವ್ಯ ಸಂಗಾತಿ
ಗಜಲ್
ಹುಳಿಯಾರ್ ಷಬ್ಬೀರ್
ನಿನ್ನದೇ ದರ್ಬಾರ್ನಲ್ಲಿ ಖುರ್ಬಾನ್ ಆದರೂ ಮೌನವೇಕೆ ಸಖಿ/
ಆಲಾಪದ ರಾಗದಲ್ಲಿ ಸಲ್ಲಾಪವಾದರೂ ಮೌನವೇಕೆ ಸಖಿ //
ಅಂತರಂಗದ ಶಾನ್ದಾರ್ ಗುಲಾಮನಾಗುವೆ ಎಂದರೂ/
ಭರವಸೆಯ ಯಾವುದೇ ಇಶಾರ ನೀಡದೆ ಮೌನವೇಕೆ ಸಖಿ//
ಭೇಜವಿಲ್ಲದ ಕನಸುಗಳನ್ನು ಕಟ್ಟಿ ಏನು ಮಾಡಲಿ /
ಇಮಾರತ್ ಆಗುವ ಭಯದಲ್ಲಿ ಮೌನವೇಕೆ ಸಖಿ//
ನಸೀಬು ಗೊಂದಲದಲ್ಲಿರುವಾಗ ತಪ್ಪಿಲ್ಲ ಬಿಡು/
ಸಂಕಟ ಬಂದಿದೆ ಎಂಬ ಛಾಯೆಯಲ್ಲಿ ಮೌನವೇಕೆ ಸಖಿ//
” ಷಬ್ಬೂ”ವಿಗೆ ಪದೇ ಪದೇ ಸೋಲುವ ಹಪಾಹಪಿತನ/
ನಿನ್ನ ಜೀವನ ಸಂಭ್ರಮಿಸಲಿಲ್ಲವೆಂದು ಮೌನವೇಕೆ ಸಖಿ/
