ಕಾವ್ಯ ಸಂಗಾತಿ
ನನ್ನ ಪ್ರೀತಿಯ
ಡಾ ದಾನಮ್ಮ ಝಳಕಿ
ಓ ನನ್ನ ಪ್ರೀತಿಯ ಮಕ್ಕಳೇ
ಮನೆ ಮನದ ಹೂವುಗಳೇ
ದೇಶದ ದೀಪಗಳೇ
ಜಗದ ಕನಸುಗಳೇ
ಓ ನನ್ನ ಪ್ರೀತಿಯ ಮಕ್ಕಳೇ
ಸತ್ಯ ಅಹಿಂಸೆ ಉಸಿರಾಗಿರಲಿ
ಸ್ನೇಹ ಪ್ರೀತಿ ಪದರಲ್ಲಿರಲಿ
ದೀನದಲಿತರಲಿ ಕರುಣೆಯಿರಲಿ
ಓ ನನ್ನ ಪ್ರೀತಿಯ ಮಕ್ಕಳೇ
ಪ್ರಾಮಾಣಿಕತೆ ನಡೆಯಲ್ಲಿರಲಿ
ಧೈರ್ಯ ನಿಮ್ಮ ಮನದಲ್ಲಿರಲಿ
ನಿಷ್ಟೆ ಬದ್ಧತೆ ಜೀವನದಲ್ಲಿರಲಿ
ಓ ನನ್ನ ಪ್ರೀತಿಯ ಮಕ್ಕಳೇ
ತಂದೆತಾಯಿ ನೋಯಿಸದಿರಿ
ಗುರುಗಳಿಗೆ ನಿಂದೆ ಮಾಡದಿರಿ
ಹಿರಿಯರಿಗೆ ಕಷ್ಟ ಕೊಡದಿರಿ
ಓ ನನ್ನ ಪ್ರೀತಿಯ ಮಕ್ಕಳೇ
ಮನೆಗೆ ಮಾಣಿಕ್ಯದಂತಿರಿ
ಊರಿಗೆ ಹೆಮ್ಮೆ ಪುತ್ರರಾಗಿರಿ
ದೇಶಕ್ಕೆ ಸತ್ಪ್ರಜೆಯಾಗಿರಿ
ಓ ನನ್ನ ಪ್ರೀತಿಯ ಮಕ್ಕಳೇ
ನನ್ನ ಆಶಯ ಕವನದಂತೆ
ದೇಶದ ಭವಿಷ್ಯದ ನಕ್ಷತ್ರದಂತೆ
ಜಗದಲಿ ಬೆಳಕು ಚೆಲ್ಲಿ
ಬಾಳಿ ನೂರು ವರುಷ ಹರುಷದಲಿ
