ಕಾವ್ಯ ಸಂಗಾತಿ
ಗ್ರಹಣ
ಅನ್ನಪೂರ್ಣ ಸುಭಾಷಚಂದ್ರ ಸಕ್ರೋಜಿ
ಸೂರ್ಯಗ್ರಹಣ ಚಂದ್ರಗ್ರಹಣ
ಬುದ್ಧಿಯ ಸುತ್ತ ಮನದ ಭ್ರಮಣ
ಮಾನವರಿಗೆ ಭಯದ ಆವರಣ
ಪಶುಪಕ್ಷಿ ಪ್ರಾಣಿಗಳಿಗಿಲ್ಲ ಗ್ರಹಣ
ಅದ್ಭುತ ನಭೋಮಂಡಲದಲಿ
ರವಿ ಶಶಿಯರ ಕತ್ತಲೆ ಬೆಳಕಿನಾಟ
ಕಂಡು ಹಿಡಿದು ಚಪ್ಪಾಳೆ ತಟ್ಟಿದ
ಖಗೋಳ ವಿಜ್ಞಾನಿ ಅತ್ರಿ ಮಹರ್ಷಿ
ಭವಿಷ್ಯಗಾರರಿಗೆ ಇದು ಆಕರ್ಷಣ
ಕಲುಷಿತೊಳಿಸಿದರು ವಾತಾವರಣ
ರಾಶಿಚಕ್ರಗಳಲಿ ಮುಣುಗಿದರು
ಭವಿಷ್ಯದ ಭಯ ಹುಟ್ಟಿಸಿದರು
ರಾಹು ಕೇತುಗಳ ಚೆಲ್ಲಾಟ
ಗುರು ಶುಕ್ರರ ಸ್ಥಾನಪಲ್ಲಟ
ಬುಧ ಮಂಗಳರ ಮಂಗಾಟ
ಭವಿಷ್ಯ ಕೇಳಿ ನಲುಗಿದ ಬಡಜೀವಿ
ಶಾಂತಿ ಖರ್ಚಿಗಾಗಿ ಹೊಡೆದಾಟ
ಬಡವಬಲ್ಲಿದರಿಬ್ಬರ ಅಲೆದಾಟ
ಪೂಜಾರಿಗಳಿಗೆ ಹಣದ ಊಟ
ದಾನ ಧರ್ಮದ ಹಬ್ಬದ ಕೂಟ
ಸ್ನಾನ ಊಟ ಎಲ್ಲವೂ ಬಂದ್
ಗುಡಿ ಗುಂಡಾರಗಳೂ ಬಂದ್
ದರ್ಗಾ ಚರ್ಚಗಳಿಗೆ ಬಂಧನವಿಲ್ಲ ತುಳಸಿದರ್ಭೆನದಿಸ್ನಾನ ಪುಣ್ಯಫಲ
ಹೊಟ್ಟೆಗಾಗಿ ಹುಲುಮಾನವನಾಟ ಕಂಡು ಪಕ ಪಕನೆ ನಕ್ಕುಬಿಟ್ಟರು
ಸೂರ್ಯಚಂದ್ರರು ಮಾನವನ
ಗ್ರಹಣ ಬಿಡಿಸಿ ಬೆಳಕ ನೀಡಿದರು
About The Author
ಚೆನ್ನಾಗಿದೆ