ಕಾವ್ಯ ಸಂಗಾತಿ
ಗಜಲ್
ಜಯಶ್ರೀ ಭ ಭಂಡಾರಿ.
ಬಂಗಾರಿಯ ಬದುಕು ಬವಣೆ ತಡೆದು ನೀಗಿಸುವುದು ಬಳಗ.
ಸಿಂಗಾರಿ ಭಾವನೆ ಕದಡದೆ ಒಡಲ ಉರಿಯ ತಾಗಿಸುವುದು ಬಳಗ
ಮದುವೆ,ಮುಂಜಿವೆ, ಹಬ್ಬ ಹರಿದಿನಗಳಲ್ಲಿ ಸೇರದಿರಲು ಸಾಧ್ಯವೇ.
ಇದುವೇ ಜೀವನ ಇದು ಪ್ರತಿದಿನದ ಹಾಡು ತಿಳಿಸಿ ನೀಗಿಸುವುದು ಬಳಗ
ಯಾರೂ ಯಾರಿಗೂ ಸಂಬಂಧ ಇಲ್ಲದೆ ಇರುವುದ ಕಲಿ‌ಸಿ ಕೂರಿಸಿದೆ.
ಅರಿಯದೇ ಸುಂದರ ಕ್ಷಣಗಳ ಕೆದಕಿದರೆ ಬಾಗಿಸುವುದು ಬಳಗ.
ಸಂಸಾರದಲ್ಲಿ ನಂಜು ಬೆರೆಸದೆ ಔದಾರ್ಯದಿಂದ ನಡೆದು ತೋರಬೇಕು.
ಸಸಾರದಿ ಮಂಜು ತೆರೆಯ ಸರಿಸಿ ಧೈರ್ಯದಿ ಬೆರೆಯುದ ತೂಗಿಸುವುದು ಬಳಗ
ಅಹಂ ಬ್ರಹ್ಮಾಸ್ಮಿ ಸಲ್ಲದು ಒಲವಿನ ಒರತೆಯಲಿ ಜಯಾ ಬಲ್ಲಳು
ಸ್ವಯಂ ತೃಪ್ತಿಯೇ ಬೆಲ್ಲವು ಬಲವಿನ ಬೆಳಕಲಿ ನಗಿಸುವುದು ಬಳಗ.
