ಕಾವ್ಯ ಸಂಗಾತಿ
ಪ್ರೀತಿ ತೇರು
ಕಸ್ತೂರಿ ಡಿ ಪತ್ತಾರ
ಒಂದು ಸುಂದರ ಸಂಜೆ
ನಿನಗಾಗಿ ನಾನು ಕಾದಿದ್ದೆ/
ನೋಡು ನೋಡುತಲೆ
ಕಾರ್ಮೊಡ ಕರಗಿ ಚಂದಿರ
ಹೊಳೆದಂತೆ ನಿನ್ನ ಕಂಡೆ/
ಒಬ್ಬರನ್ನೊಬ್ಬರು ಕಣ್ದಣಿವತನಕ
ನೋಡಿದೆವು, ಹಿಗ್ಗಿನಲಿ ಹಿಗ್ಗಿ
ಹಿಗ್ಗಿ ಸಗ್ಗವನೆ ಕಂಡೆವು/
ಕಣ್ಣು ಕಣ್ಣುಗಳಲಿ ಮಿಂಚಿನ
ನಗೆಯೊಂದು ಮಿಂಚುತಲಿತ್ತು,
ಕಣ್ಣ ಕೊಳದೊಳಗೆ ನಮ್ಮಿಬ್ಬರ
ಪ್ರತಿಬಿಂಬ ಕಾಣುತಲಿತ್ತು/
ಜನಜಂಗುಳಿಯಲಿ ಜಗವ
ಮರೆತು ಒಲವ ಜಾತ್ರೆಯಲಿ
ಸಂಚರಿಸಿದೆವು, ಕೈಕೈ ಹಿಡಿದು ಪ್ರೀತಿ ತೇರನೆಳೆದೆವು/
About The Author
ಓಲವ ಭರಿತ ಸುಂದರ ಕವಿತೆ .