ಗಜಲ್

ಗಜಲ್

ಅಶ್ಫಾಕ್ ಪೀರಜಾದೆ

ನಿನ್ನ ಮೊಗವು ತೋರದೆ ಕವಿತೆ ಹೇಗೆ ಬರೆಯಲಿ
ನಿನ್ನ ನಗುವು ಮೂಡದೆ ಕವಿತೆ ಹೇಗೆ ಬರೆಯಲಿ

ನಿನ್ನ ಕಂಗಳಲಿ ಸಾವಿರಾರು ತಾರೆಗಳ ಹೊಳಪು
ನಿನ್ನ ಚೆಲುವು ಕಾಡದೆ ಕವಿತೆ ಹೇಗೆ ಬರೆಯಲಿ

ಇಲ್ಲಿ ಸುತ್ತೆಲ್ಲ ಕತ್ತಿ ಮಸೆಯುವ ದುಶ್ಮನರೇ ಹೆಚ್ಚು
ನಿನ್ನ ಮೌನವು ಮಾತಾಗದೆ ಕವಿತೆ ಹೇಗೆ ಬರೆಯಲಿ

ಕಾಲಗರ್ಭದಲಿ ಕಳೆದು ಹೋಗಿದೆ ಕಹಾನಿ ಒಂದು
ನಿನ್ನ ವಿಷಾದವು ತಾಗದೆ ಕವಿತೆ ಹೇಗೆ ಬರೆಯಲಿ

ಸುಂದರ ಸಂಜೆ ಮುಂಜಾವಿಗೂ ಕರೋನಾ ಕಾಟ
ಗಾಳಿ ನಿನ್ನ ಸುಳಿವು ತಾರದೆ ಕವಿತೆ ಹೇಗೆ ಬರೆಯಲಿ

ದ್ವೇಷ ತುಂಬಿದ ಜಗದಲಿ ಬದುಕಲೇಬೇಕು ಪೀರ್
ನಿನ್ನ ಒಲುಮೆ ಕಾಣದೆ ಕವಿತೆ ಹೇಗೆ ಬರೆಯಲಿ

**********************************