ಕವಿತೆ
ಚೆಂಬೆಳಗಿನ ಪೇಯ
ರೇಮಾಸಂ
ಚಹಾ ಚೆಂಬೆಳಗಿನ ಹಾಸ
ಚಹಾ ಜಾಗೃತಗೊಳಿಸುವ ರಸ
ಆರಂಭದ ಗುಟುಕಿಗೆ ಬೆಚ್ಚನೆಯ
ಭಾಸ್ಕರನೊಂದಿಗೆ ಬೇಕು ಪೇಯ
ತರಹೇವಾರಿ ಚಹ ಮನಸೆಳೆವುವು
ಬೆಳಕಗಿನ ಬೆಳಕನು ಮಿಂಚಿಸುವವು
ಹಸಿರು ಚಹ ದೇಹಕೆ ಉಸಿರಂತೆ
ಕಪ್ಪುಸುಂದರಿ ಚಹ ಅಚ್ಚುಮೆಚ್ಚಂತೆ
ಬಿಸಿ ಬಿಸಿ ಕಪ್ಪನ್ನು ಅಪ್ಪಿ ಹಿಡಿದ
ಬೆರಳುಗಳು ತವಕಿಸುವ ಅಧರದ
ಅಬ್ಬರಕೆ ಮೆಲ್ಲನೇ ಸೋಕಿಸುತ
ಜೋಗುಳ ಹಾಡಿದಂತೆ ಗುಟುಕಿಸುತ
ಸರ್ವಾಂಗಗಳು ಸಿದ್ಧ ಆಸ್ವಾಧಿಸಲು
ಅರೆತೆರೆದ ನಯನಗಳ ಅಮಲು
ಸುವಾಸನೆಗೆ ನಾಸಿಕದ ಹಂಬಲ
ಚಡಪಡಿಕೆಯಲಿ ನಾಲಿಗೆಯ ಚಪಲ
ಬೆಲ್ಲದಲಿ ಬೆಂದೆದ್ದ ಚಹಾ
ಕುಡಿಯಲು ಆನಂದ ಮಹಾ
ಚಹಾ ಕುಡಿಯಬೇಕು ಇತಿಮಿತಿಯಲಿ
ಆರೋಗ್ಯ ಭಾಗ್ಯ ಸಿಗುವದಲ್ಲಿ
******************
I am fond of tea . Beautiful write up on tea. Tea is part of Indians life. For me morning is incomplete without tea.
Madam you described so well importance of tea it is marvelous. Arranged words in rhyming .
Keep writing . All the best.
ಮನಸನು ಮತ್ತೆ ಅದೇ ಮತ್ತಿನಲಿ ಚಹಾ ಕುಡಿಯುವ ಹಾಗೆ ಪ್ರೇರೇಪಿಸುವಂತಿವೆ ಕವನದ ಸಾಲುಗಳು..